【00後職場】返兼職後不願再做全職工作 00後事主：慣咗彈性返工時間 但只返兼職有1個致命缺點！

以往大眾均認為要返全職工作才會有前途，但自從00後投身社會後，職場環境便產生了不少改變。近日有打工仔在網上討論區「Dcard」上發文，表示自己因不想一畢業便成為「社畜」，於是開展了兼職工作的生活，惟因此導致自己心態上無法接受全職生活，但因一個原因令他不得不考慮認真找一份全職工作。

延伸閱讀：【職場熱話】老細月入十幾萬 但Lunch Time竟然去做外賣仔搵外快！網民：可能為興趣

按圖睇樓主及網民回應：

+7

+6

樓主：有冇人返完兼職返唔到轉頭？話說我畢業嗰陣想Hea吓，唔想咁快做社畜，所以開始做兼職。試過唔同嘅兼職，最高峰係一次返3份工，本身淨係諗住咁樣玩一年，結果一年又一年……中途我都有洗心革面試吓去搵全職工做，但係做咗一星期已經頂唔順要辭職。我發現自己已經慣咗自己報更，彈性嘅返工時間，一諗到要返朝9晚6嘅工就覺得好有壓力，知道自己唔可以咁樣落去，但又冇動力。

雖然我好想繼續做Slasher，但係啲錢真係唔夠使……

網民A：其實唔返全職都唔係好大問題，大把人咁做啦。

網民B：做Slasher升唔到職，冇Career Path，你冇可能靠兼職嘅人工過成世。

網民C：唔夠穩定，隨時被人炒，經驗又唔夠全職豐富，早啲轉返全職啦，兼職真係唔係一個好選擇。就算想入政府做，佢都要求填全職嘅工作年數呀！

網民D：淨係試過唔返工返唔到轉頭。

網民E：有，的確少好多人事問題，再加埋成個人都覺得自由自在啲。但長遠嚟睇我人工會追唔到同職業嘅人，所以遲吓都係會搵返份全職做。不過我都仲拖緊，想玩多陣。

網民F：同意，不過我係有份全職，再Day off出去做兼職享受自由嘅空氣。

網民G：我反而係做咗全職之後完全唔想返兼職，雖然兼職彈性自由好多，但係人工同福利爭太遠！

其實外國興起的斜摃族（Slasher）文化可以讓打工仔享受更多元化的工作，不會受一個職業所限，加上可以靈活選擇工作時間及地點，成為不少年青人的理想職業。然而，要成為Slasher不但要有極高的自律性，更要面對經濟壓力、客戶期望管理等問題，在真正決定成為Slasher前應該要多加三思。

睇埋想做Slasher要有咩必備條件？

+8

+7

+9

+8

延伸閱讀：【成功需父幹】畢業生嘆窮人難生存 「大學無時間做職涯規劃」

延伸閱讀：【經營副業】身邊朋友個個都做副業搵銀？打工仔：發覺自己懶懶閒

延伸閱讀：【職場貼士】每個人都適合做Slasher？10條問題測試你的斜槓指數

最新專訪片︰

【office豪華旅行團】GT Group超日系辦公室展現年輕活力 仲有Poolside畀員工放水燈！
 

⏩⏩  需要請人？立即刊登招聘廣告！  ⏪⏪