Next
【00後整頓職場】新人報到被要求交紙本文件！HR被00後1句說話KO？網民：公司咁都想慳⋯⋯
【00後整頓職場】新人報到被要求交紙本文件！HR被00後1句說話KO？網民：公司咁都想慳⋯⋯
2024-10-29
時代變遷，00後漸成為職場的主流。新世代的服從性不高，對公司的忠誠度亦有限，因此當他們踏足職場，會引發的職場文化與價值觀的變革。有台灣打工仔在Threads講述見聞，指一名00後新人報到，被HR要求提交紙本文件時，用1句回應擊到HR，對此網民表示：「公司這樣也想省？」
點圖即睇事主講述見聞：
事主：「00後整頓職場事跡，有日個新人嚟報到，HR Send信請佢提供文件，開個人事檔案嘅File。新人就將個掃描File畀咗個HR，個HR好快就覆：『唔該畀紙本』，個新人話：『你將個附件印出嚟咪有囉唔係咩？』咁聽起嚟好似有啲問題又冇問題咁。」
網民回應：
A.之前見工試過唔記得將相關證明文件放喺面試資料夾度，所以有問到公司，睇吓可唔可以返去Scan畀佢哋，公司職員拒絕，理由係擔心模糊唔清楚。我當時反咗個白眼，心諗都2024年啦，Scan會唔清楚，到底係咩時代嘅人？如果真係唔清楚，咁即係代表我連基本文書處理能力都冇，咁你都唔使請我啦。
後嚟對方想聯絡我，我開咗飛行模式到收工時間冷處理件事。被要求提供副本嘅公司，我都會反白眼。2024年啦，點解唔直接要求電子檔？一直要求紙本再加掃描檔真係好智障，如果公司10名以內嘅員工就算，但員工數量上百上千嘅話，到底係要將啲資料收喺邊度？
B.要紙本分File點解唔早講，Z世代由出世開始，就喺Digital發達嘅年代，大學幾乎都係只要求繳交電子檔嘅功課，唔使講度度都話一日到晚倡導無紙化環保，又點會預設人人都知道要印出嚟？新人嘅諗法就係既然都有電子檔，點解你仲要我印出嚟又送返去？多此一舉。
C.好多做行政嘅個腦都有啲死，只要諗到自己做好，都唔諗諗你哋要處理嘅係人哋嘅問題，唔係製造人嘅麻煩，我多數遇到都會直接講，唔分年紀。
D.咩年代，仲印紙本出嚟浪費紙？
E.問題唔係HR資料提供方法，係態度。
F.公司唔想負擔張紙嘅成本，爛。
對於這件事，不少網民都認為00後沒有做錯，有人談及個人見聞，指不能理解公司職員拒絕求職者給予電子檔的理由，居然是因為不清楚。有網民就質疑HR，為何不一早說明需要資料紙本，更為00後辯護，認為他們生活在數碼格式盛行的年代，加上機構都提倡環保，不會列印出來也是正常事。有網民就質疑事件中的HR很呆板不懂變通，更指遇上問題會提出是正常事，並非只有00後才會這樣做。
90後網民給00後的15大忠告！
打工仔列6大00後工作罪狀！
延伸閱讀：【請病假】Z世代請Sick Leave次數比幾代人多！點解年輕人成日請病假？
延伸閱讀：【00後職場新心態】00後「整頓職場」？不再看臉色、只求躺平過日子？盤點00後10大職場新態度
延伸閱讀：【00後返工】00後唔識人情世故？大時大節唔識送禮畀有合作關係嘅公司 仲話呢種做法過時又老土？
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!