Next
【00後整頓職場】00後真係可以整頓職場？打工仔質疑：公司覺得佢哋唔適合職場就直接炒！網民用1理由反駁！
【00後整頓職場】00後真係可以整頓職場？打工仔質疑：公司覺得佢哋唔適合職場就直接炒！網民用1理由反駁！
2025-01-23
00後整頓職場的話題近年來成為了熱門討論，因為他們勇於表達自己的想法，積極爭取權益，並拒絕接受職場上不合理的要求。然而，近日有網民在連登討論區發文，對年輕人能否真正改變職場環境表示質疑。他指出，許多公司認為00後不符合傳統的職場文化，於是便會直接解僱這些年輕員工。
按圖即看樓主分享及網民回應！
樓主：老實講00後真係可以整頓職場咩？高層見你唔適合公司文化咪直接炒你囉，使咩就住班00後。
網民A：00後就係唔驚你炒。
網民B：00後父母仲在職，唔怕失業。
網民C：唔係00後唔適合公司文化，係公司文化唔適合00後。
網民D：「整頓職場」呢幾隻字一向都係得淡笑，咁多年嚟職場都係咁，要點樣整頓？
網民E：驚唔驚被炒都只不過係睇吓人工待遇係點，而家因為伏工愈嚟愈多，啲人咪越嚟越jumpy，形成一個錯覺係而家啲人份份工做唔長，態度又麻麻。你試吓個社會環境多返啲荀工，或者好似以前70-80後黃金年代咁，根本唔會有整頓職場呢啲Terms出現啦。
網民F：因為而家係00後初長成嘅黃金期。過多5年鎂光燈就會慢慢轉去10後，00後自然就會回歸平淡。
網民G：好多都係做最下層嘅學人講整頓，好聽咪係整頓囉，事實就係裸辭靠父母先再繼續搵工。
網民H：我唔覺得呢代係工作態度惡劣咗，佢哋只係奴性冇咁重，唔會覺得自己收咗錢就要乜都say yes，自己覺得唔合理就會出聲，亦唔會追求啲old seafood嘅認同，識得自己empower自己，唔會因為職級低就頭耷耷。但咁樣唔代表係做嘢唔掂，亦唔等於係懶／唔肯做嘢／冇生產力，我覺得咁樣先係正常人。
網民I：都冇樓要供，又有父母錢使，大不了仲可以躺平，你顧掂自己先啦。
帖文一出，立即引起網民熱議。有網民指出，因為00後仍可依賴父母的照顧，缺乏經濟壓力，使他們對失業的恐懼感降低，在職場上更勇於表達自己的想法，無需過度擔心工作穩定性。然而，也有網民持不同的看法，質疑「整頓職場」的可行性，認為在現有的職場環境中，這樣的想法只是空談。另外，有網民補充道，隨着職場環境日益惡劣，打工仔辭職轉工的頻率增高，形成了「整頓職場」的錯覺。
2025職場趨勢5大預測
延伸閱讀：【00後返工】00後做咗好多上幾代唔敢做嘅嘢？網民列出3項力證00後整頓職場！
延伸閱讀：【00後整頓職場】新人報到被要求交紙本文件！HR被00後1句說話KO？網民：公司咁都想慳⋯⋯
延伸閱讀：【Z世代】 打工仔不滿新一代做嘢討價還價 仲要求加人工！網民反駁：幫自己爭取福利有咩錯！
延伸閱讀：【跨世代職場觀念】職場Old Seafood力數6個00後工作罪狀 網民駁斥：點解唔係之前個時代奴性太重？
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!