【返工遲到】收到遲到紀錄Excel表 打工仔呻新HR搏表現 反被網民圍攻

準時上班是工作的基本要求，但職場紀律和彈性工作安排之間存在一定討論的空間，也有不少公司對員工遲到的行為持寬容態度，只要工作表現過關，便不會嚴格追究。然而，當管理層突然改變態度，習慣遲到的打工仔該如何招架？近日，一位打工仔在社交平台「Threads」分享，指公司新上任的HR（人力資源部門員工）向全體同事發出「溫馨提示」，並附上精確到分鐘的遲到紀錄表。事主不但沒有悔改之意，還語出驚人惹網民圍攻。究竟發生甚麼事？

返工遲到無悔意？打工仔結局大逆轉

  事主：新嚟嘅HR因為要搏表現，出咗封Kindly reminder email話我3月遲到總共遲咗434分鐘，叫我注意要準時返工。唔止我收到Email，各位同事都收到呢啲計遲到時數嘅Excel表。問題係公司本身對持續遲到行為一直都係冇懲罰或應對。我第一反應係：咁少嘅咩？日日都遲半個鐘返工㗎啦。 第二反應：434分鐘即係幾多個鐘？7個鐘多啲，即係一個工作日都唔夠！仲諗住自己可以遲夠鐘數畀自己賺返1日AL（年假）。 第三反應：即係我仲未遲得夠過份啦。 網民A：先唔理係咪HR搏表現，你講得出自己日日遲半個鐘，仲好意思話當AL咁賺，仲話自己遲得未夠過分，似你價值觀或者處事方式有問題多喎。 網民B：話人哋因為搏表現而出Reminder，擺明係老細睇唔過眼要搵人出聲啦！拎咗咁耐着數都唔醒目啲乖返兩個月，咪即係剃老細眼眉囉！網民C：定係個HR畀人擺上枱，搵新來嘅做醜人？不過400幾分鐘有啲過分。

網民D：當公司要裁員，如果兩個人表現差唔多，要炒一個嘅話有呢張Excel表就有用。

網民E：我仲過分過你，我成年遲到2,000分鐘，不過公司規定係遲多過2,500分鐘先會扣雙糧20%。

網民F：你似乎覺得自己遲到唔算大問題，你嘅同道中人似乎唔少，但喺呢個社會，有好多情況必須守時。

網民G：其他返工嘅問題可以好主觀，啲人話你態度有問題，工作成果有問題，你都可以賴吓兜吓。但遲到就係客觀咁遲咗到，好難去幫自己辯駁，除非你晚晚OT補返。

網民H：啲Comment好似個個都幫晒公司咁，我公司就唔計啲同事遲唔遲或有冇早走，只要你做齊嘢，交足數，老細都唔會特別提。有時OT幾個鐘都冇同公司計返啦。

網民I：我公司都試過計全年，我記得好似遲咗3日咁上下，跟住就出信話因為遲到冇人工加。

網民J：啲Comment好恐怖，香港地真係好多社畜，唔知嘅以為佢哋有份出糧畀你。

明確彈性與規定之間的界線

網民對事件的討論呈兩極：大多數網民批評事主將遲到當賺假期的態度，認為守時是打工仔的本分；亦有網民指出，在講求靈活和彈性的現代職場，單純以是否準時上班衡量員工價值是過時的理念，何況許多公司加班沒有加班費。另有網民提醒，該公司一反常態，可能是為日後裁員或扣減福利作準備，提醒事主注意守時。從企業的角度來看，與其用Excel表格「秋後算賬」，不如建立更透明的考勤制度或明確彈性工作安排的界線。

同場加映：【跨世代管理】GenZ 員工嘅「遲到」同你理解嘅唔一樣？即睇世代差異情境題！

►最新【政府/公共機構】職位空缺

►最新【行政】職位空缺

►最新【銀行/金融】職位空缺

►最新【市場營銷/公共關係】職位空缺

延伸閱讀：【職場熱話】準時返工就係好員工 遲到=工作表現唔好？網民：彈性上班一定係最好！

延伸閱讀：【職場熱話】同事做唔晒啲嘢 又早去食飯同準時放工 網民：唔通要OT先正常？

延伸閱讀：【遲到4分鐘被當曠工！】冇糧出仲要照返足全日！網民：勞工處見！

延伸閱讀：【工作動力】支持打工仔返工嘅動力有邊啲？遲到冇人理、準時收工、可以早啲食Lunch……網民：我嘅動力係窮

---

最新專訪片︰

【星級斜槓族】雷同二友為音樂夢想打100份工 用創作回應時代 願成為都市人的心靈「療癒劑」

⏩⏩  需要請人？立即刊登招聘廣告！  ⏪⏪