【返工血淚史】香港人搭巴士文化 「點解個個都坐出面嗰位？」

香港樓價高企，愈靠近地鐵站的住宅、大樓愈貴，人們從住宅前往地鐵站可能要花個15分鐘，夏天容易出汗，地鐵繁忙時間車廂更是擠到人貼人。如此一來，不少人乘坐巴士出行比乘坐地鐵更方便，巴士多數還能有位置坐下休息。連登討論區有網民指出一個有趣觀察，他發現人們乘坐巴士總是喜歡坐外面的座位？到底為什麼會如此？即看網民討論！

延伸閱讀：【職場熱話】上司應該同下屬打成一片 定保持距離？網民：最緊要公私分明！

按圖即了解事主的分享和網民回應：

+8

+7

事主：「搭巴士嘅文化，個個都坐晒出面個位，咩玩法？」

網民：「怕曬黑！」

網民：「本身依家啲位已經窄，座距又窄，坐走廊位冇咁有壓迫感。」

網民：「跟住入去坐嗰陣掂到佢又『摺摺聲』。」

網民：「啲港女啊姐係咁，郁啲就怕曬，見過最誇張坐最前窗口位要開遮。」

網民：「我坐出邊就俾人話阻住佢坐入面；我坐入面就俾人話我咁早落車就坐出面啦；我唔坐，我喺下層企就俾人話我阻住人上車落車，所以我決定行路算！」

網民：「我覺得巴士冇咩所謂，最煩係啲人坐小巴都要坐出面，反正啲小巴一定滿㗎喎，坐出面都唔知做咩。」

網民：「最衰都未講，就係你坐埋去，佢就去坐入面嗰個位，變相要你坐佢熱櫈。」

網民：「認真覆你，因為落車容易，有啲人坐出面瞓到死豬咁。」

網民：「其實好易理解，佢哋專登坐出一個位，令人唔方便坐入面，就可以減少同人坐嘅機會。」

座位選擇與個人心理息息相關？
選擇座位的時候，如網民說可以是方便下車、不想他人一起坐、想感覺沒有壓迫感等！其實座位選擇跟個人心理息息相關，有一堆學問呢！心理學家Derk de Jonge曾提出來一個理論叫「邊界效應」。他指出人們會喜愛逗留在區域的邊緣，最後才選擇區域寬敞的中間位置，這源於人類尋求安全的心理，保證自己處於一個安全的交往距離，是人類的本能。大家不妨在乘車時多加留意是否有這個現象啊！
 

按圖即睇搭長途巴最怕遇到的10種乘客︰

+18

+17

延伸閱讀：【職場貼士】想拉近與上司之間距離？6個貼士助你與老闆和睦相處
延伸閱讀：【職場人際】如何與討厭的同事共事？5個相處技巧減少磨擦
延伸閱讀：【職場心理學】老細忽然黑面10大原因 打工仔小心做錯事

⏩⏩  需要請人？立即刊登招聘廣告！  ⏪⏪