Next
【辭職學問】辭職唔通知全世界 竟被同事怪責！唔係淨係同上司老闆講就得？
【辭職學問】辭職唔通知全世界 竟被同事怪責！唔係淨係同上司老闆講就得？
2023-07-12
辭職已經成為許多人生中必經的一個階段。當我們決定離開一份工作時，我們往往會思考應該如何告訴同事們這個消息。有些人認為只需要通知上司和人事部門就可以了，但有些人則認為應該主動告訴所有同事。那麼，作為辭職同事的同事，是否應該期待對方告訴自己？這是一個值得探討的問題。
延伸閱讀：【職場兩性】情侶喺公司鬧交 女方激動到拎筆扔男方 同事們齊齊食花生！
有網民在社交媒體專頁「奴工處」上以「工作都各有各做，Resign要通知全世界？」為題分享，他覺得平時與其他同team同事不算太深交，辭職都不需要通知大家，豈料卻被其他同事責怪他沒有告知此事……事主則覺得辭職不用公告天下，只需通知上司和老細便可，各位打工仔覺得呢？
即睇事主分享及網民回應：（按圖了解）
事主：「因為屋企事要處理而離職，之後同team同事及隔籬team同事問我點解唔通知聲佢哋，其中仲帶住責怪之意！我哋工作各有各做，我resign只係通知上級同老細有咩問題？乜我要四圍主動搵人講我resign咗先正常？」
網民：「咁樣講，無法例規定離職一定要通知其他人，公司流程一般嚟講都係要求通知人事部或者直屬上司。我同一組人一齊工作，喺香港地分分鐘見同事多過見屋企人，朝早見到講聲早晨，收工講聲拜拜，唔做嘅都同人哋講聲再見，我覺得都係禮貌嚟嘅。」
網民：「同team熟嘅夾開嘢都話可以講聲；隔籬team點解要特別通知？上司HR老闆知道都夠啦！」
網民：「係你自己覺得各有各做，其實叫得一條team梗有嘢係有合作㗎喇。」
網民：「同team其實要講，人哋都要預時間接手你啲工作、安排時間。你臨走前一日人哋仲搵你夾公事，第二日就唔見咗人都出奇啦！」
網民：「道理上唔使，但人情上會講聲。咁無話唔可以唔講嘅，但人哋唔高興又正常咁囉。」
網民：「同team 同事都唔講 ？係咪關係太差？我覺得點都應該講聲好啲。」
網民：「然後就畀人情緒勒索：你都唔當我係朋友嘅！我心諗：咁易做我朋友嘅咩？」
網民：「同team通知聲都係一句啫，你唔做有機會佢哋要暫時頂你嘅位，互相尊重。」
網民：「想講咪講，唔想講咪唔講，使乜理啲人講乜，你辭職，你老細都唔叫你做handover，關人咩事。」
網民：「對調身份自己諗吓先啦！」
網民：「憑咩要通知，佢哋又唔係老闆同上司。」
網民：「打工唔好咁認真，人哋一句無心說話，你認真反覆考量難過唔開心就傻仔咗，關係好就話溝通，關係唔好話知佢死。」
網民：「禮貌啫，唔講又冇人話你唔啱嘅。」
網民：「正常嚟講你係無錯，不過我相信你通知上司之餘都會同同事講聲，始終大家溝通嘅時間都會多於同上司嘅，同埋大家同team嘅，講聲都無壞啦！又唔會少咗忽肉。」
辭職後要否通知大家呢？
辭職後是否需要主動通知同事的問題並沒有一個絕對的答案，而是可以視乎個人的情況和與同事的交情。有些網民認為通知同事是一種禮貌，可以讓同事有時間準備接手工作，而有些則認為只需要通知上司和人事部就已經足夠。
事實上，當需要時，上司通常會代為通知同事。因此，對於同事的怪責，事主不需要太在意，可以一笑置之。總之，辭職時應該尊重公司的流程，同時也要考慮自己與同事的關係和情況。
延伸閱讀：【職場兩性】情侶喺公司鬧交 女方激動到拎筆扔男方 同事們齊齊食花生！
延伸閱讀：【職場健康】想跑步減肥？原來「斜路快走」更加消脂、消耗更多卡路里！
延伸閱讀：【職場健康】打工仔久坐不動 增加心臟病、中風、糖尿病機會！可以點預防？
延伸閱讀：【職場文化】公司sales同事着得勁性感 但一把年紀兼跑唔到數 網民：OOO佢可能爆單！
最新專訪片︰
【HR Guru】疫情影響僱主價值主張？宏利香港及澳門首席人力資源總監盧凱欣：做HR要情理兼備
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!