Next
【轉工跳槽】頂唔順廢柴上司 打工仔收到Offer即日辭職
【轉工跳槽】頂唔順廢柴上司 打工仔收到Offer即日辭職
2023-02-07
在職場上，能幹的上司能夠成為眾人的榜樣；無能的上司則會於人前裝模作樣。要屈居於無能之士下工作，每天被逼跟隨其不知所謂的指令而工作，心裹確實不是味兒。有網友於香港討論區發文，指自己的頂頭上司一無是處，每天都要為其收拾爛攤子。忍辱負重一年、獲得新工作錄取後終於吐氣揚眉，立即請廢柴上司「食無情雞」。
即睇事主詳細經歷：
事主：我忍咗我個廢柴上司成年。佢廢都算，仲要無責任感、閃得就閃、鍾意坐享其成，日日返工就Sit and Dream，有事唔會出面幫啲細嘅去孭，真係個名副其實嘅廢柴。
事主：我真係睇佢唔順眼好耐。噚日終於收到新Offer，同一日就即刻辭職了！
事主：個廢柴上司今日搵我傾，第一句就話依家公司生意唔好，我走咗之後佢就要頂埋我啲嘢做，短期內應該唔會再請人。
事主：我咁樣答佢：「係呀，你自己都知公司唔再請人。咁由今日開始你就要畀心機睇下我啲Email，要細心了解，因為我知你操作上面嘅經驗係零。」
事主：佢聽完面都紅埋，聲都無出，我就頭也不回咁轉身走咗。
即睇網民回覆：
網民：最怕天下烏鴉一樣黑，打過咁多份工，好上司我都係遇過一個。
網民：做得上司無可能一無是處，好難令人相信。你講一個理由點解你坐唔到佢個位？
網民：唔識檢討自己淨係識怨命運；唔識欣賞別人長處又唔識改善自己短處，轉工應該幫唔到你。
網民：無料嘅上司點生存？咪就係有個一樣無料嘅老闆！
網民：加人工都無得諗？加人工你就留返喺度做吓先啦嘛。
網民：上司用把口生存，打工就用勞力生存。
網民：其實好多時啲嘢係細嘅識做，大嘅唔識做，只係因為佢上咗位，就可以點人做，自己就不思進取。
網民：咁都忍到一年？頭一個月知道間公司無運行，醒嘅就即閃，唔閃係自己問題，勿怨勿姓賴。廢公司仲係度曬太陽一年！
網民：點解你個上司可以咁嘆？我做咁多年老闆，成日要拆彈之餘仲要諗辦法防止問題再發生。有事就出去頂同客解畫畀客插、過時過節仲要請大家食飯。
網民：其實個個人都覺得自己應該係老闆，又或者老闆應該點做點做至得，到做到老闆嘅時候又係兩回事。
中年轉行並非易事 決定前應三思而後行
事主慨嘆在無能上司手下工作鬰鬰不得志，最後寧願另謀高就。有部份網民則認為事主只懂怨天怨地，不懂反省自己。事件箇中內情局外人難以知曉，但永遠抱著消極態度、怨天尤人只會令自己陷入萬劫不復的漩渦⋯⋯其實年齡只是一串數字，只要重新振作，能否成功轉型全靠你的個人態度。
想知道自己適合轉工定係進修？不妨做個心理測驗，了解自己內心想法再作出決定吧！
測驗方法：由第一題開始，將每題得到的分數相加起來，對照最後的結果。
測驗開始！（按圖了解）
延伸閱讀︰【職涯規劃】30歲轉工要點揀？衡量5個因素走出職業成功之路
延伸閱讀︰【轉工後悔】28歲踏入社會5年 驚覺第一份工最好 打工仔呻：早知唔轉工⋯⋯
延伸閱讀︰【勞工法例】年尾想轉工又怕冇得拎雙糧？勞工法例指要睇OO
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!