【請病假】Z世代SL請到盡！當病假係有薪年假嘅一部分！打工仔斥：佢哋係咪唔知咩叫責任心？

2024-12-03

請病假（Sick Leave）是打工仔的基本員工福利，好讓員工能夠在家養病，待康復後再次投入工作。早前有報道指出，Z世代請病假的頻率較以往幾代有所增加，與2019年相比，2023年，Z世代打工仔的病假請求增加了42%。針對這個問題，有網民抱有同感，在社交專頁「奴工處」投稿，指00後同事「每月SL請到盡」，批評他欠缺責任心。

按圖即看樓主分享及網民回應！

+13

+12

樓主：公司有個00後同事，請SL請到盡，個個月都會緊貼住個quota去請。入職先幾個月，已經請咗足足兩個禮拜SL。我同朋友呻，話佢啲進度開始影響到我，先發現原來而家好多人都係咁玩法，完全當咗有薪病假係part of必然嘅假期一樣，會請到盡。自問自己未去到old seafood嘅年紀同態度，但請親SL都會覺得麻煩到其他同事去幫我補位、會唔好意思。責任心嘅嘢喺呢個年代係咪已經煙消雲散啦？工作內容真係唔重要，拍着同自己工作素質相近嘅同事先係最重要。

網民A：唔可以只係標籤新生代，因為上幾代都有嘅。

網民B：病都唔得？咁SL係要嚟做咩？公司畀得每月SL就預咗有人請假。個個做到「五勞七傷」你唔知啫，又話自己唔係old seafood，但你咁嘅心態已經係。

網民C：只係你唔識玩，大把人都玩緊SL。

網民D：你以為老一代冇？證明你仲係太年輕。

網民E：我最初都唔請SL，但之後發現唔請SL先係傻，唔好虐待自己，公司唔會可憐你。

網民F：大把old seafood 請SL得請仲勁，仲要喺最peak嘅時候嚟SL。

網民G：講到射波係新發明咁。

網民H：咁我又真係遇到好盡責嘅fresh grad新生代，佢發燒都仲返工，反而係我叫佢SL。

網民I：感情好嘅咪同你夾咗先SL囉。

網民J：一係你唔好畀SL，畀咗就唔好理人地用幾多。

網民K：唔搞着我，我就唔理，不過我自己都唔會咁做。

對於事主的看法，網民普遍表達批評。部分網民認為不應該僅僅將頻繁請病假的行為歸咎於新一代，因為各年齡層都有類似的情況。另一些人則認為病假是公司提供的福利，應該合理利用，並指責樓主的心態過於保守。此外，也有網友表示，只要同事請病假不會影響到自己，便不會過於在意這種情況。