【請病假】畢業生返工唔識請病假要由高層阿媽幫手請假網民：2個都可以即炒啦！

CTgoodjobs' Editor

Published: 2024-10-25

Updated: 2024-10-28 10:49

香港生活壓力大，加上天氣變幻無常，打工仔難免會出現身體不適。為免傳染其他同事，令辦公室成為細菌的溫床，許多人會選擇請病假（Sick Leave），選擇在家中好好休息。近日，有網民在Threads發文分享，指00後新同事不知道該如何告病假，最後竟由其高層母親代勞請假。

按圖睇樓主分享及網民回應！

+11

+10

樓主：公司嚟咗位00後同事，佢Send WhatsApp畀我請病假。我回覆：「你之後Email你上司，CC我就可以。」見到佢WhatsApp已讀不回，我以為事情就此結束。結果下晝收到佢媽媽電話，又講多次件事，幫佢個仔請假。伯母其實都係我哋公司，不過唔同樓層、唔同部門，我係HR，佢係其中一位高層嘅PA。今日更離譜，請假紙伯母親自送到我哋部門，因為佢個仔覺得我好惡。

網民A：當初佢點樣見呢份工？點解會請咗佢？過咗Probation未，如果係又點解可以過到？

網民B：正宗帶阿媽返工。

網民C：即炒啦2個都。

網民D：其實佢咁做係害咗個仔。連請假都要阿媽出馬，咁個仔第日轉另一間公司做，又或者佢阿媽唔做呢間公司／高層人士變動，咁佢大多數捱唔住。

網民E：對住呢啲2世祖最好客氣完，就唔好理佢。

網民F：救命！阿媽冇教佢獨立！

網民G：算濫用職權？

網民H：估計個上司要湊仔咁，湊呢個巨嬰下屬。

網民I：遲早害死個仔。

網民J：咁多古怪事，返工冇咁悶。

網民K：個仔份糧應該出埋落媽媽度。

網民L：有咁嘅阿媽，個仔唔會有出息。

帖文一出，立即引起網民熱議。普遍網民認為，母親的過度關心，只會令孩子無法獨立，最終成為職場巨嬰。過於依賴他人，會削弱年輕人面對挑戰的應對能力。一旦母親離職或自己需要轉換工作時，難以適應職場環境，面臨被社會淘汰的風險。此外，有網民指出，該名母親的行為可能算是濫用職權，造成職場內部的不公平感，讓其他員工感到不滿。

職場應該是培養獨立和責任感的環境，而非依賴他人的保護傘。職場新人應該主動學習如何獨立處理各種工作事務，尋求指導，向同事請教，為他們的職業生涯奠定堅實的基礎。

打工仔力數6大00後工作罪狀

+11

+10