Next
【請假風波】淡季連續請一星期AL被拒 事主：係咪我唔夠體諒公司？
【請假風波】淡季連續請一星期AL被拒 事主：係咪我唔夠體諒公司？
2023-03-01
近期疫情放緩，多個地區陸續開關，香港打工仔又能回歸四出外遊紓壓的生活。唯一要解決的問題只剩下向上級提出請假申請，但批發的程序又會否盡如人意？有網民於連登討論區發文討論，指自己向上司預告三個月後請假旅遊，但竟遭回應請假日子過長，需要時間考慮為由敷衍以對，令事主大惑不解⋯⋯
即睇事主經歷：
事主：交代少少背景先，喺呢間公司返咗大半年，第一次請連續多過兩日嘅假期，亦都有避開晒旺季，特登揀淡季日子請假。
事主：今日同阿姐講，話想三個月後請一個禮拜假去旅行。佢話要考慮吓，覺得一個禮拜太長⋯⋯
事主：我聽完當堂呆咗。返咗幾年工，第一次出現請假有阻滯嘅情況。
事主：諗爆頭點解唯獨係我唔請得，有同事甚至已經去完兩轉旅行返嚟，係得我從來無行開過。咁難請假，以為我先係高層！
事主：究竟有咩公司會唔畀員工淡季日子請假？定其實係我唔夠體諒公司？
即睇網民回覆：
網民：唔好同佢講話想放假，係通知佢要放假。
網民：我都試過返份工攞假要睇上司面色，唔知仲以為佢係我係女朋友，要哄掂先肯放人。
網民：唔批？無所謂。咪個個星期都射兩日波，互相傷害囉！
網民：睇你咩位同性質，如果你係出勤返Shift，少你一個就少一個，老闆咁樣安排唔出奇；如果你返普通文職，一般都畀自決。
網民：試過返返吓工唔舒服，想下晝攞SL去睇醫生。經理話下晝高層會嚟巡Office唔畀我走，最後我同Senior Manager講先肯畀我走，仲要好似皇恩浩蕩咁！
網民：請假都要睇人面色，啲假我㗎，唔係應得㗎咩？
網民：銀行工年年都要放一次Block Leave，最小都成個星期，多數放完都仲有大把假要清。樓主都係快啲轉工喇！
網民：公司想你請少啲假，建設社會貢獻國家啫！
網民：正常只係睇執你手尾位同事嘅面色，根本同上司無關。
網民：辭職啦，普通文職都唔畀自主請假，跟住呢種上司會好慘。
根據勞工處《僱傭條例》，僱員在受僱每滿12個月後，須於隨後12個月內放取應得的有薪年假。年假日期應由僱主在徵詢僱員後指定。僱主須至少在假期開始的14天前以書面通知僱員年假的日期；如雙方同意，可以較短時間通知。如僱員要求，僱主可按下列方式給予年假：
年假日數不超過10天：可將不多於3天的假期分開發放，而餘下年假則應連續發放。
年假日數超過10天：最少連續發放7天年假，餘下的年假可分開發放。
如年假期內適逢休息日或法定假日，該日應視作年假，而僱主必須爲僱員另定休息日或法定假日。換言之，於公司工作未滿一年的事主在上司批准前的確未能據理爭取年假。
即刻按圖了解更多職場請假風波。
延伸閱讀︰【內地通關】中年男同事請假跟阿媽返鄉下 目的只為相睇娶老婆？
延伸閱讀︰【渣馬後遺症】跑完渣馬腳痛請Sick Leave 網民：個個跑完都請咁公司咪好唔得閒？
延伸閱讀︰【職場辛酸】參加親人喪禮 卻被工作訊息轟炸 打工仔：連請喪假都要騷擾我⋯⋯
延伸閱讀︰【員工福利】女友家人死忌放假被質疑 口賤同事︰唔係話屋企有人死咩？
最新專訪片︰
【星級斜槓族】TVB綠葉王兼物理治療師林景程專訪 入行歌手夢碎一度想離巢 視周星馳及黃子華為世一偶像
Look out for further updates on our Facebook fan page!
Follow CTgoodjobs for the latest career news, hot topics and recommended jobs!