Next
【請人好難？】網民大呻請正常打工仔艱難 人工至少$2萬先有機會請到？網民：一分錢一分貨！
【請人好難？】網民大呻請正常打工仔艱難 人工至少$2萬先有機會請到？網民：一分錢一分貨！
2025-01-02
不少公司聘請員工時，除了看求職者的工作能力時，都會留意他們的一舉一動，希望他們談吐正經、外表整潔等，能夠與現職同事友好交流及合作。近日，有網民於香港討論區發文，指若要聘請「正常」的打工仔，月薪需要$2萬或以上才能成事。
樓主及網民分享
樓主：發覺而家啲工想請個性格正正常常、識英文、肯做野、喺公司做長少少（1年或以上）、有少少責任心、外表乾淨整潔、談吐斯文正經嘅人，人工至少要有$2萬先有機會請到，大約要$2.2萬至$2.5萬呢個範圍。如果萬幾蚊請個人返嚟，通常都係奇奇怪怪……
網民A：認同！之前搭巴士聽到個後生仔話搵工，但佢成個人衣著極污糟、啲衫好皺、個頭成頭油咁。唔係話要打扮到好靚，但至少都要着衫得體大方同整潔啦。
網民B：一分錢一分貨！
網民C：你對正常嘅定義／要求係咩先？而家只要有手有腳、識呼吸已經叫正常。如果要求中上嘅語文能力仲要識英文、識用電腦處理文書工作，其實已經超過勞動市場3份之1人口。
網民D：而家$2萬幾都未必請到FG……
網民E：咁你認為正常人一個月支出幾多？正常一般基層食晏同晚餐要用幾多錢？開銷支出年年樣樣都加，你唔係仲諗住用十幾年前嘅水平嚟衡量？$2萬幾月薪先叫正常。
網民F：無$2萬都幾難請到啲對工作上心嘅人！
網民G：睇你做咩行業，有啲行業本身人工都偏低。大公司大機會用$2萬請個文員位。
網民H：你口中嘅「正常」打工仔已經好過好多人，既然佢哋喺勞動市場有競爭力，咁梗係有揀份高人工嘅去做！
網民I：唔係個個老細都會有正常人心態。文職$2萬其實係正常人工水平，但係好多老闆都只會出$1.1萬至$1.4萬嘅價。
網民J：所有老闆都係想用最平嘅錢請最好質素嘅打工仔，但有能力嘅唔會想做咁低月薪嘅工！
延伸閱讀：【職場熱話】返工永遠都着嗰幾件衫竟被同事追問？ 網民：我會專登扮醜
不少網民表示，表示樓主口中描述的「正常」打工仔，雖然是一般人認同的「正常」水平，例如性格平易近人、對工作有責任心、外表乾淨整潔、談吐斯文等，但這些特質難以集合在同一人身上。即使市場有這類特徵的求職者，他們深知自己有較高競爭力，能夠主動選擇工作職位，自然會揀選高薪工作，因此贊同$2萬月薪才能聘請「正常」打工仔。
有部分網民指出，$2萬月薪是文職合理的薪酬水平，然而部分公司老闆為求減低營運成本，又或不看重文員一職，故此只會以低價招聘文員，令到眾多打工仔望而卻步，情願做其他職位都不願屈就自己任職低薪工作。
延伸閲讀：【職場文化】同事勁早返到公司 打工仔嘆︰使唔使咁乖？
按圖即看5個口頭禪分析同事性格：
延伸閲讀：【見工中伏】面試官講嘢勁細聲又冇禮貌！FG見工遇到咁嘅情况算唔算中伏？
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!