【見工面試】面試被壓價逾萬元仲要由CEO親自見事主：點解你好意思咁問？

CTgoodjobs' Editor

Published: 2025-04-11

Updated: 2025-04-11 17:42

相信各位求職者都曾遇到過面試時被壓價的情況，然而有打工仔在社交媒體Treads上分享了一宗被壓價逾萬元的經歷，吸引不少迴響，更有網民表示遇過最過份的是壓價兩萬元。另有網民表示，對方明知價錢不合求職者心水，仍提出面試邀請，其實背後另有原因……

按圖睇樓主及網民回應：

+14

+13

樓主：真係好燥！話說今日竟然有一份工見，仲要一嚟就見CEO加CFO，都講咗成15分鐘。佢同我講話佢哋嘅Budget Offer同我Expected Salary都爭成萬幾蚊，仲問我會唔會考慮？

大佬你個H R冇睇清楚嘅咩？點解你好意思壓人壓萬幾蚊？跟住我話「唔會考慮啊，唔該晒！」激死我！而家啲CEO咁得閒㗎咩？你得閒就好啦，但你嘥緊我啲時間呀！

網民A：認真，壓萬幾蚊真係就唔好in你啦！唔係諗住你會say yes呀嘛？壓咁多，搵份輕鬆啲嘅工唔好？

網民B：我覺得佢個HR似填數多。我試過請跟單，其實budget好少，但係HR推晒一堆唔關事嘅Resume畀我，我就揀咗5個，點知佢約多咗4個叫我見埋佢，嗰班又PHD又做過Director嘅我點請得起呀？

網民C：可能係見到你真人覺得你唔值。

網民D：我啱啱有人壓我2萬，真係荒謬到笑出聲，我以為自己聽錯。佢仲要浪費咗我45分鐘時間in完一輪再話我個Expected Salary佢哋畀唔到。我問佢個range，佢答我一個數係比我Expected低2萬，認真咩！？

網民E：可能個HR本身只係用你份CV嚟充數，但點知個CEO真係睇啱你嘅Experience咁。不過差成萬幾蚊真係癲咗啲，反而我係覺得個CEO有問題，無咁多Budget就請個Green啲㗎啦，想要個有經驗嘅又唔肯攞錢出嚟，虧佢唔要面問得出口！

網民F：可能佢唔信HR 壓唔到價，HR就話：「咁叻你自己試下！」

現代企業的招聘流程中存在著明顯的溝通斷層，HR部門與管理層之間的溝通失效，導致求職者在面試過程中浪費寶貴的時間。更令人深思的是，即便知道薪資期望存在巨大差距，公司仍然安排了與CEO和CFO的面試，這種做法不僅顯示出對求職者時間的不尊重，也暴露了企業內部協調機制的缺失。又或如有網民所言，可能HR背後可能有其他考量？

睇埋：打工仔狂鬧00後，竟被網民圍剿？

+27

+26