Next
【見工面試】面試官見工中途離場、傾薪酬仲要求減價？
【見工面試】面試官見工中途離場、傾薪酬仲要求減價？
2022-07-14
作為求職者，從踏進應徵公司門口的一剎開始，就要做好心態調整，面對任何人都要帶着微笑，即使對方不是你的面試官也好。正式開始面試，精準回答所有的題目、對面試官以禮相待是基本。不過，並非所有面試官都會遵守對求職者的禮儀，在網上討論區Dcard有求職者分享自己的見工經歷，指對方在途中離場，談薪酬條件之時，還要求減價。
點圖了解更多事主經歷：
延伸閱讀：【面試攻略】見工被問上一份工離職原因 6大模範答案得HR歡心
延伸閱讀：【職場英語】學會英文客套話 不再被字面誤導
事主分享：
「最近去咗間細公司面試，人數十個人內，個環境睇落都唔錯，幾舒服乾淨。到我坐低之後，個面試官就嚟咗，佢睇完我份CV，就叫我自我介紹，我講到一半佢就起身出咗房，出咗去房？係啊，佢真係出咗房，我成個人勁錯愕！
佢返嚟之後，我就只可以硬住頭皮再做自我介紹，講完佢就一直話：「你好緊張喎」，畀佢打斷咗又要再重組想講嘅嘢，點會唔緊張！後來，佢介紹緊公司文化嗰陣，佢仲接電話，我都係第一次遇到啲咁嘅情況，感覺幾唔尊重人，仲一直望錶，好似好趕時間咁。
不過佢幾認真介紹佢公司，我就繼續聽，覺得份工可以試試。但講到人工嗰陣，真係不禁皺眉，明明間公司喺求職網站寫A以上嘅價錢，但佢話試用期高過最低工資就得，比A足足少咗20%人工。
我特登搭車由好遠嘅地方嚟見工，好用心咁準備個面試，但呢種經歷真係令人心情好差。其實從對方約見工嗰陣奪命追魂Call，我就應該要意識到呢間公司係咩料，個主管仲要一直話，我會考慮畀你做呢個位，仲話好多人嚟見工，真係救命，我都面緊試㗎！」
網民回應：
A/吓？即係佢就咁行咗出去？係我都走啦，面試咁唔尊重人，入到公司都唔會對員工好得去邊
B/我都試過，間公司留咗個唔關事嘅員工嚟聽我個面試
C/我遇過係HR、部門主管同業務部嘅人嚟睇我面試，我分別介紹咗自己三次，見咗三次工咁，仲要水都無啖畀我飲，最無語嘅係，三次佢哋問我嘅問題都差唔多，我心諗，就唔可以一次過入嚟聽咩
D/試用期人工會低啲，做咩唔喺求職網站寫清楚，重點係差好多，近20%喎，如果試用期係少啲啲，無喺個網寫都算，仲要少咁多？
E/到底係啲咩奇怪嘅公司
F/我見過個面試官，佢話我個臉型好似殺人犯，仲話我個相好窮兇極惡嘅感覺，搞到我勁無言
G/即係代表你個位唔係好重要，入唔到都罷啦
透過面試了解公司
到應徵的公司面試，某程度上是讓你更了解工作環境的機會，透過與面試官的交流，我們能夠知道企業文化是怎樣。以事主故事為例，面試官看來沒有尊重求職者，更在過程中向求職者壓價，光是以上兩個行為，大約能猜測到，事主若加入公司，被善待的機會率微乎其微。如果求職者遇上這種情況下，還是把心思放到下個面試較為實際。
面試時遇上不懂回答的問題該怎辦？（點圖了解更多）
即睇求職面試要爭取的4大事項：
延伸閱讀：【見工奇遇記】問職業前景卻被面試官黑面？求職者衰講多咗●●兩隻字
延伸閱讀：【見工面試】求職者常遇到的4類測試
Look out for further updates on our Facebook fan page!
Follow CTgoodjobs for the latest career news, hot topics and recommended jobs!