Next
【見工面試】面試官要求除口罩見全相 事主不忿：佢話我個樣「OK」喎！
【見工面試】面試官要求除口罩見全相 事主不忿：佢話我個樣「OK」喎！
2023-03-27
自香港撤除口罩令後，市民在公眾場所不再強制佩戴口罩，可以自行選擇配戴口罩與否；在求職面試時，面試官或HR可能會請求職者除下口罩確認身份，雖然這是正常程序，不過要是態度不佳，可能會惹起求職者反感。在網上討論區Dcard，有台灣求職者分享自己的經歷，指自己被面試官要求脫下口罩，對方更評價自己的外表：「他說我的樣子還『OK』！」
點圖了解更多事主經歷：
「噚日去參加某間大公司嘅面試，過程中雙方正常溝通，會傾工作內容同薪酬等等。諗住一切順利，準備結束嗰陣，個面試官居然突然話『你可唔可以除低口罩畀我睇吓？』我就諗起喺之前嘅面試，啲HR都會有咁嘅要求，於是我就除低咗自己嘅口罩，結果個面試官睇完我個樣，即刻講『都OK』，我即刻心諗『咩料？』點解最後都係要評斷人哋嘅外表？
『都OK』喺你嘅標準嚟講，係點樣雖然唔重要，但咁樣已經好影響我會唔會Take offer，聽到嗰下個感受都唔係幾好，我返屋企諗咗成日，真係覺得面試官好無禮貌，下個星期就要報到，我係咪應該要去，而且嗰個人之後仲要係我上司，我對佢第一印象真係好差。」
網民回應：
A/個面試官真係蠢，如果係我只會話「想對吓張相，係唔係本人」睇完之後，我咩都唔會講。
B/我覺得唔係幾好，而且佢始終都係你未來上司，我建議你思考吓先，如果佢係大男人主義咁點算。
C/我對眼比較細，之前有次面試，個面試官話「點解感覺你對眼擘唔大，無乜精神咁？」仲叫我瞓飽先再嚟過，嗰吓我嬲咗，同佢講「我唔會再嚟！」
D/我做第一份工嗰陣，咁啱係疫情初期，上司行入嚟話「我無確診，你都應該無，咁我哋除低個口罩透吓氣」。
E/我都有啲咁嘅經驗，雖然對方係面試官，但咁樣真係會令人唔好受。
F/唔知樓主你係應徵咩工，我係做科技相關嘅工，老實講，老闆搵人真係幾睇外表，會叫求職者除低口罩，只係個方式會婉轉啲。
G/真係好無禮貌。
H/仲係疫情時期嗰陣，我去過一個餐飲相關嘅面試，當日著咗比較鬆身嘅外套，裡面係一件白恤衫，面試官同我講，叫我除低個口罩，話要確認係咪本人，我覺得合理，但後嚟佢竟然問我方唔方便除外套，話要睇吓我身材，黐線，咩低能嘅面試？
I/好想當場問佢「OK啲咩？」
J/呢啲唔使再去，佢揀人做嘢啫，又唔係選妃。
三思而行的重要性
對於事主的分享，網民都表示面試官的行為令人感到不解，指正常公司面試要求求職者脫下口罩確認身份是正常事，但評論別人的外貌就很可能會令人感到不快。另外，有網民指若然面試官是事主未來的上司，日後可能會發生令事主不快的事，勸喻事主不要到職。事實上，HR或面試官的一言一行，都對公司有很大的影響，假如做了與個案面試官一樣，令人感到不快的行為，除了會令公司錯失人才，更可能會讓人對公司留下負面的印象，因此HR及面試官做任何事，都應該要三思而行。
被面試官問「你的缺點是甚麼？」應該如何回答？（點圖了解更多）
即睇5個HR不讀不回CV的原因：
延伸閱讀： 【心理測驗】你適合轉工定係進修？即做職場心理測驗搵答案！
延伸閱讀：【員工福利】5個2023年全球公司實行的最潮、特別福利！為員工寵物買保險？
延伸閱讀：【全美之冠】2023年100個最佳工作場所 呢啲公司竟然贏咗Google、微軟！
延伸閱讀：【人力資源】2023年掀起安靜招聘（Quiet Hiring）趨勢 僱主及員工注意事項一覽
有新嘢‼️覆老細&同事唔使打字，有【CT打工仔秒回系列】WhatsApp Sticker即刻搞掂🥰
即刻撳入嚟下載啦‼️
👉🏻https://bit.ly/3XCqYyY
最新專訪片︰
【Office豪華旅行團】仲量聯行辦公室有瑜伽班、採用環保傢具 HR：最重要以人為本！
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!