【見工面試】面試官要求交出糧單！求職者大感無奈！HR過來人竟稱不見怪？

面試前，求職者必須做好準備，包括攜帶工作證明、畢業證書及CV等等。但原來只是提供這些資料予企業並不足夠？在網上討論區Dcard有台灣求職者分享見工經歷，指人力資源從業員（HR）竟然要求他提供現時公司的薪資證明（下稱「糧單」），令他感到無奈，自稱是現任HR的網民竟然指這並不奇怪？

►最新【人力資源】職位空缺

點圖了解更多事主分享：

+9

+8

「之前開始投履歷、面試，都陸續收到幾間公司有意請我嘅通知。其中有間公司，我覺得好奇怪，所以想上嚟問吓大家。面試後兩日，我收到HR嘅電話，大概話主管面試完覺得我唔錯，想繼續進行下一個聘用程序同埋核實薪金，要做reference check同埋問我期望薪資係幾多，其實第一階段電話面試嗰陣，我就同HR講過人工，所以大概講咗現時（仲返緊工）嘅薪資結構及期望薪資（只係口頭講）。

現場面試前又再填寫咗一份個人資料表格，有填現時工作嘅薪資數目同埋期望薪資。不過，因為電話面試同現場面試期間，而家做緊嘅公司有加人工，所以同公司HR提及嘅金額唔同（事實上同期望薪資都差唔多），但HR就希望我提供而家公司最近三個月嘅糧單畀佢。以前嘅面試中最多口頭問或者填現時嘅薪資水平，真係少有要求提供糧單，想問吓大家有無遇過呢種情況啊？如果我提供或者唔肯會唔會有咩法律問題？」

網民回應：

A/ 我以前有試過啊！其實呢種情況都好正常。

B/ 口講無憑，白紙黑字清楚明白。無咩法律問題，只係一個願打一個願挨，你想去咪配合，唔想去咪搵過間。

C/我係喺外商做HR嘅人，可以畀啲意見你，其實佢叫你畀糧單佢無話唔正常，但唔係每個職位每個人都要，基本上我哋喺以下2個情況先會咁做：

1/主管想用呢個人，但Budget唔夠，所以確定咗想要呢個人，就要確認呢個人值唔值呢個價，我哋再幫佢傾

2/嗰個人提人工嘅價位比大部分人高

當然搵工最緊要自己鍾意，如果真係對呢份工有興趣，最好都係提供。

PS: 唔畀都無話有咩法律問題。

D/你可以話有簽保密協議，無法提供。

E/ 唔畀最多無工作機會，但都唔一定，如果我好鍾意可能會畀，如果想搵其他方法，可以問對方用其他證明可唔可以。

F/我面試反而好鍾意畀份糧單人睇，因為可以直接話畀人知，市價係咁，畀唔起就算。

三思而後回覆
對於事主的情況，網民都提供個人意見，有的指即使不提供，也沒有甚麼法律問題，只是視乎事主是否喜歡那間公司，想不想配合而已。另外有自稱現任的HR指公司要求求職者提供糧單，主要是因為兩個情況，包括「想聘請，但成本不夠」及「求職者的叫薪比其他人高」。並建議事主如果對這份工有興趣，最好都是如實提供糧單。

其實要求應徵者提供糧單，並非罕見的做法，事實勝於雄辯，白紙黑紙的證明，能夠說服公司。當然，求職者也可以拒絕對方的要求，只是他們要明白這樣會減低對方聘請你的機率。始終你有權不提供糧單，對方也有權不聘請你。

被問「幾時可以返工」應該點答？（點圖了解更多）

+11

+10

即睇面試中5個不能講嘅大話：

+14

+13

延伸閱讀：【職場趨勢】TikTok成打工仔發洩工具？10大熱門職埸趨勢關鍵字！
延伸閱讀：【職涯規劃】30歲必須月入3萬元？20個職場人生道理
延伸閱讀：【工作電郵】寫Email標題唔可以亂寫？7個最常犯嘅錯誤你有冇犯？
延伸閱讀：【職場溝通】Z世代與職場老海鮮難以相處？逾1成上司於首周解僱年輕員工！

超準MBTI魔法測試！你在魔法世界裡的16型人格是什麼?
立即入嚟測試啦!!
👉🏻https://bit.ly/473SlY4

最新專訪片︰

【星級斜槓族】Alfred許廷鏗自立門戶成立唱片公司 擁有歌手、牙醫、唱片公司老闆及Youtuber等多重身份 冀「自許紀錄」能夠繼續「容許發夢」

⏩⏩  需要請人？立即刊登招聘廣告！  ⏪⏪