【見工面試】面試完即刻出offer嘅工好伏？網民：真係要入去做吓先知

有人比喻見工的過程是「過五關，斬六將」，因為求職者遞交履歷表後，需要經過HR履歷篩查、面試和筆試等層層關卡才能成功入職。有時候，一些大公司甚至要求職者經歷3、4層面試，歷時數月才能完成招聘程序。可是，若然面試過程太順利，當場收到Offer，你會如何想呢？到底是不是公司有「大伏」，要馬上請人去收拾爛攤子啊！一名打工仔在Dcard討論區表達擔憂，指出自己面試後當場收到Offer，害他感到非常奇怪，說：「急成咁係咪有伏！」大家又如何看呢？

延伸閱讀：【職場英語】見工面試最後被問「仲有冇咩問題」 必學10句例句讓HR對你留下良好印象        

+12

+11

事主：「是咁的，最近去咗間教育機構見後勤文職，面試過程感覺個面試官都幾滿意，佢同HR傾完，個HR就話想即場畀offer我。另外，仲問我最快幾時返到工同埋簽到合約，感覺急到有啲伏。想知道大家意見如何？註：個offer係月薪18k，返5日半，返8半收5，年假10日，20分鐘車程。」

網民：「返5日半=返6日。」

網民：「其實返工好人夾人，通常咁急要人多數1. 公司開新project 等人用；或者2. 公司有個空缺長期缺人。而喺我返而家呢份工以前，我成日覺得呢兩樣是但中一樣都係伏工，我會諗唔伏點會請唔到人，但返咗呢份工我先知道永遠有啲公司唔知點解會畀人唱。我本身有offer嗰陣，10個friend有10個都話唔好過去啦，伏到傻，但我最後都係因為人工同舊舖嘅問題而過咗去。而家我覺得係，我返過7份工，最開心係呢份。所以無話咩「generally」伏唔伏嘅工，佢講嘅工作你覺得啱嘅，人工同其他嘢你又ok嘅，你咪返咗先囉，唔啱可以走㗎嘛，又唔係去相睇搵男女朋友。」

網民：「真係要入去做先知，快出代表佢哋咁啱等人用你又啱。」

網民：「唔一定係伏，8成伏啦。」

網民：「Same，前日in完噚日就畀咗offer，但係個online interview好hea只係10分鐘鬆啲（in之前要填form寫埋expected salary之類），都係介紹完份工同公司背景之後問我工作方向，然後話有機會就會聯絡我，不過in過時個面試官真係好nice，分享咗佢自己啲經驗畀我知，同埋成程真係似傾偈多過in。不過咁快收到offer真心有啲嚇親，同埋從來無提及過返幾多日同幾多個鐘（等緊星期一覆，如果5日半即刻叫價），唔知有無伏。」

網民：「唔理伏唔伏，返5日半一定唔做。」

網民：「你唔明有時唔係間公司伏，係其他求職者伏，試過有個位收11封信、面足8個人，去到最後一個面試終於見到一個正常人種感覺，就好似係個海到見到浮木咁。面試官：我唔想再見落去啦！HR：我唔想再叫人嚟見啦......我哋係斷斷續續見咗兩個禮拜，上一手係做咗4年走，都相當融洽愉快。」

網民：「失業就做住先，7成伏，大不了試用期即走。」

有時碰巧公司多人轉工、離職，HR也會降低招聘要求和提升薪酬待遇吸引人入職。所以說，面試求職除了硬實力外，時機也十分重要。網民提出即使面試當場收到Offer，不代表公司一定有問題，面試官馬上給Offer的原因有很多，可以是急着找人，也可以是不想花時間進行面試，所以認為你合適就會派Offer。

正如網民提議，「唔啱可以走㗎嘛，又唔係去相睇搵男女朋友。事主對Offer滿意的話，可以先入職試一下，於試用期內考慮要不要正式入職。

面試尾聲被問「你有甚麼問題」不會答？必學10句例句讓HR對你留下良好印象！

+18

+17

延伸閱讀：【職涯規劃】7萬蚊月薪 VS 照顧小朋友 到底點揀先好？網民：小朋友嘅成長只得一次。        

延伸閱讀：【職場熱話】返工唔出聲淨係識默默耕耘？打工仔：到頭來上司對我嘅評價係唔積極        

延伸閱讀：【DSE】大學有咩科搵到食又唔會太大壓力？DSE考生對前路感迷惘：好似做咩都死⋯⋯        

最新專訪片︰
【星級斜槓族】Grace陳凱琳享受「媽的多重身分」 惟暫無意再拍劇 自認慈母 老公鄭嘉穎卻有微言？！

⏩⏩  需要請人？立即刊登招聘廣告！  ⏪⏪