Next
【見工面試】等20分鐘冇人理！求職者欲離開竟被面試官冷嘲熱諷？事主：佢問我咁趕係咪in第二間⋯⋯
【見工面試】等20分鐘冇人理！求職者欲離開竟被面試官冷嘲熱諷？事主：佢問我咁趕係咪in第二間⋯⋯
2024-08-20
公司邀請求職者參與工作面試，是為了解對方是否適合公司；求職者亦能夠更了解工作的性質，從而判斷應否在該公司展開職涯新一頁。若面試過程中，公司及求職者其中一方欠缺尊重，就難以進行下一步。
有台灣求職者在網上討論區Dcard講述一次不快的見工經歷，指等了20分鐘都未開始面試，打算離開公司，面試官居然冷嘲熱諷，事主：「他問我那麼趕是否為了到另一間公司面試。」
點圖了解更多事主分享：
事主：「噚日我去面試一份工，提早咗到10分鐘到，櫃檯小姐請我入會議室等，佢去搵部門主官嚟。我空等咗20分鐘，我同嗰位小姐講，我之後有事，諗住話算啦直接走，嗰位小姐話再打電話通知部門主管，話佢可能忙緊，所以未嚟。
但我明明聽到櫃檯小姐打電話嘅時候話，因為佢自己忙到唔記得同個部門主管講，有人嚟面試。個部門主管都馬上落嚟，佢都即刻話佢一早喺辦公室等緊我，等電話通知，想話我未嚟係咪失約，仲反問我咁急係咪後面有Interview。
我嗰吓真係好無語，我後面有冇面試，關你咩事呀？你哋浪費我時間就真，嗰個部門主管見我趕時間，就好快咁同我做個面試，總之見完我好快就走咗。嗰個櫃檯小姐完全冇同我道歉，如果我冇走出去同佢講唔等，唔知佢要幾耐先諗起我喺會議室，而主管只係覺得我點解冇諗起要主動打電話畀佢，唔通我個人已經喺會議室等緊面試，仲要主動打畀你咩？咩邏輯呀？
完全冇得到一個似樣嘅道歉，完全係浪費我時間。」
網民回應：
A/睇落似係細公司，伏嗰啲多數都係規模唔大嘅公司。
B/我之前留過喺間公司仲伏，個老闆明明得閒面試，但佢死都要話佢開緊會叫人等一陣，其實佢係喺Office用緊CCTV觀察求職者。
C/我試過去面試等咗3個鐘，因為3個人同時喺度做筆試，所以等嗰個寫咗好耐嘅同學，真心覺得冇乜效率。
D/中小企業真係唔使太意外，因為就係缺人，唔係點會有效率，佢哋又唔係便利店。
E/嘩好癲，好怕會撞到去呢啲公司面試。
F/呵呵，我都有好差嘅經驗分享，試過提前到，然後叫我坐喺大廳梳化等。面試官就坐喺台前用佢嘅Notebook，櫃檯小姐同佢講面試嘅人嚟咗，我仲聽到個面試官細聲講咗句：「點解咁早就嚟？」
然後就唔理我（冇其他面試嘅人），面試時間未到，我冇嘢講，就坐喺度等；但佢等到約定時間都超過十分鐘先叫我過去。
面試期間佢就只係一直用佢嘅Notebook，然後全程面試冇喺獨立辦公室或者其他地方進行。佢坐喺高腳椅，我就咁站住，直到面試結束。
面試中，佢唔止抱怨在職嘅同事（而嗰個同事就喺旁邊櫃檯返工！）。佢仲叫我將口罩拿低嚟睇樣，然後嫌我塊面肥。
G/我都有遇過奇怪事，話就話同我面試嗰個人係所謂嘅CEO，但佢同我講嘢講到一半，佢就開始睇求職網嘅其他職位申請者。問我Design做過咩，我開手機佢睇，結果佢突然企起身，叫我去睇吓佢員工做嘅海報，問我識唔識做，重點係我份履歷有寫我年齡，但就寫錯，明明係22歲，佢就話我32歲，真好冇禮貌。
H/裡面嘅員工同主管都好伏，好彩你有出聲話要走。
聽畢事主的分享，網民禁不住分享個人經歷，有人指曾經遇上奇怪的老闆，在面試前受到對方以閉路電視監視。其他網民遇過的面試官的不尊重行為，分別有面試全程做別的事、嫌棄求職者的外貌、故意刁難求職者，甚至搞錯求職者的個人資料等等。在處理工作面試時，HR及相關員工都需要謹慎處理，否則就很可能會影響公司形象。
網民提出5大HR奇怪行為！（點圖了解更多）
即睇10件令公司「永不考慮」取錄的錯誤行為！
延伸閱讀：【面試奇怪事】見見吓工 HR突然要求求職者展示歌喉！事主大嘆：我又唔係要做歌手 叫我唱歌係咩事……
延伸閱讀：延伸閲讀：【見工面試】面試官態度差兼冇禮貌 求職者嬲到想拍枱走！其實點處理先啱？
延伸閱讀：【職場熱話】見工時講嘅人工同簽約唔同！你會點做？網民：少咗絕對唔簽！
最新專訪片︰
【星級斜槓族】Tsoul田曜誠無懼現實殘酷 任旁人嘲諷仍堅持追逐跳舞夢 冀能成為有影響力的人
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!