Next
【見工面試】無Offer就見得多 出完再收返真係第一次見！
【見工面試】無Offer就見得多 出完再收返真係第一次見！
2023-01-18
不少求職者應徵數份工作後，都會因為猶豫接受哪份工作而耽誤回覆公司的時機，最後得不償失，可謂賠了夫人又折兵。近日就有網民於連登討論區發文，指自己應徵新工作後雖與公司保持良好溝通，雙方承諾周末後再詳細商議入職待遇。然而，周末結束後卻收到公司、錄取失效的消息⋯⋯
按圖了解樓主分享：
樓主：做咗8、9年Marketing，之前已經做到去Assistant Marketing Manager／Marketing Manager。
樓主：Agency出身、in-house都做過，一般Marketing會做嘅都應該識，湊過嘅客都有大有細；另外識Design、Production嘢（影相拍片剪片）、e-com都有掂過。
樓主：最近呢幾個月都搵緊工，但搵到有些少灰⋯⋯
樓主：話說呢份工幾個月前見過，同公司A個直屬上司幾好傾。佢話我好啱，但佢哋考慮過始終擔心公司規模細，我會做唔慣、做唔耐。同埋我通知期要一個月，佢哋因為等人用無揀到我。
樓主：幾個月後見公司A又請人，咪再試下Apply囉。點知佢又真係打嚟喎，上去又係見返同一個人，佢都知見過我，就再講多次佢嘅Concerns。
樓主：但我都話唔介意公司細，做得開心最緊要；同埋我已經自由身，隨時返得工。
樓主：星期三見完工之後，星期五公司A個直屬上司就打電話嚟畀Offer我，傾好晒人工、返幾點放幾點⋯⋯
樓主：佢話Check一Check再覆我，我話無問題，但我都表明自己另外見咗幾份工，最遲下星期一答覆佢。
樓主：佢聽完都同意咗，但同日我都收到公司B嘅Offer。
樓主：公司A價錢比得足，但福利近乎零。同公司B比較過，由於公司B應該會成日OT、地方比較遠，所以我最後揀返公司A。
樓主：星期一我就信守承諾，諗住問埋公司A有幾多日AL就Confirm公司A嘅Offer；同時推埋公司B。
樓主：點知就發生以下對話⋯⋯
樓主與僱主對話
樓主：你哋prefer我onboard當日先簽contract?
HR：Oh yes 10 days and accumulate to 14 days max (1 day each year). No need to sign contract but will sign employment once on board. Any concern abt the AL?
樓主：Ummm Not a big concern. Thank you so much.
HR：To be honest, your react made me concerned so much. I believe benefit is your priority to pick a job. If yes, I would say this company doesn''t suit you.
樓主：Don''t worry. I accepted your offer
HR：Sorry. Considering to find a stable person is my priority and your react really made me not feeling well, sorry that I will need to take back my offer to you.
樓主：I rejected another offer already.
樓主心生不忿
樓主：你擔心人哋應承咗你然後反口放飛機，但你又做返同樣嘅嘢！出完Offer人哋Confirm完，再推咗其他公司先嚟反口，智障㗎？你話我個React令你Concern，我咩React呀？得嗰10日AL，我係咪要話「有10日真係好」你先滿意？一係你就咪鬼出Offer，你知唔知你咁樣有幾影響人呀？我咁快推咗公司B係因為我唔想搞到人，但無諗過會有人收返個Offer咁無腦，真係第一次見！唉，呻完又要再搵工⋯⋯即睇網民回覆：
網民：咁樣嘅上司，畀你入去做都無咩好日子，最賤係搞到你Miss咗另外一份。不過如果嗰份都係成要日OT，搵第三份仲好！唯有咁樣安慰自己啦！
網民：見到10日AL都知間公司做唔過啦！FG都嫌少⋯⋯
網民：間公司又係衰嘅，不過你又真係太唔識Do。話哂你老闆，你咁樣覆佢佢會覺得你畀說話佢聽⋯⋯
網民：一個反應就話要收返個Offer？見工嗰陣唔係評估晒性格、資歷各樣嘢喇咩？
網民： 個上司講嘢都唔用腦！唔睇Benefit，唔通同你講心？呢啲公司唔做都罷。
網民：收返Offer係肉酸啲，最多你返兩日話唔適合踢你走。但樓主講到自己做Marketing，唔識職場客套說話之餘，語氣成日搞到尷尷尬尬咁⋯⋯
網民：你兩個都有問題。你問題係語氣唔太有禮貌，完全唔似有9年Marketing經驗。佢問題就梗係收返Offer啦，不過應該只係借口，可能係有第二個人比你更加適合。
網民：個老闆都傻傻地，話員工擺Benefit喺第一位。係打工仔都擺Benefit做第一位㗎啦，糧都唔出幫你做義工好唔好？好明顯個老闆係想請奴隸，要員工200%服從，唔可以有半句意見，跟呢啲人打工都死。
搵工秘笈 - CV篇
要獲得面試機會，首先便要用一份引人注目的CV打頭陣。但CV寄出後無回音的情況亦非罕見，即刻拆解5個HR不讀不回CV嘅原因。
1.沒有尋找該職位人選的急切性
那間公司的HR不讀不回你的CV，代表那個職位對於他們來說，並沒有急切性。所以不建議求職者繼續等待對方的回覆，而是應該繼續向不同的公司投CV，或者想想自己可否挑戰別的可能性。
2.篩選CV的不只一個人
招聘可能是由HR部門多位人員一起參與，多人參與的時候，需要的時間就會較長。他們未必會每日都登入求職網站的系統，而是設定了將收到的CV直接傳到他們的電子郵箱，因此會令求職者有一種感覺是自己的CV被不讀不回。
3.沒有在求職網站上點開CV
曾經說過，有公司會設定將求職網站收集到的CV，直接傳到電子郵箱。這個方法令HR可以不用登入求職網，就能夠看到求職者的資料。而求職網站的「已讀」，很多時候都是要HR在求職網站上，點進求職者的CV，才算是「已讀」。
4.為了宣傳公司
有時候公司在網站作招聘的時候，是會被收取年繳費用，所以會有公司不是為了招人而登求職廣告，而是為了宣傳才做這個動作。
5.有不能說的行內規矩
某些職業會有一些不能夠講出口的規矩，好像只限男、女性申請等等，但由於在招聘廣告上面標明對象，可能會被控歧視，所以就會收CV，而無視你的求職申請。
搵工秘笈 - 面試篇
美國徵才網站CareerBuilder做過一項穿搭色系如何影響面試的研究，讓來自各行各業的兩千多位HR評論心中最理想及最糟糕的面試服裝色系。到底面試穿哪種顏色衣服較好？
藍色：穩重自信
藍色系服裝是面試穿搭的首選，它給人安全舒適的感覺，而且讓人感到誠懇及值得信賴。如應徵科技、金融工作可選擇海軍藍色，營造穩重的態度；如果工作是強調創意性的，則可利用淺藍色服裝搭配亮色配件，突出活潑形象。
黑色：成熟大方
當穿上黑色服裝時，自然會流露出成熟感，特別適合專業人士及管理階級的職務，能顯出具有威嚴的領導架式，大方得體。若然擔心穿上全套黑色服裝會顯得過於老氣，可搭配亮色系的配件，就能平衡冷酷的形象。
白色：細心乾淨
白色一向給人乾淨、有條理的形象，假若應徵的工作是需要邏輯及注重細節的話，可以配搭白色襯衫或西裝。同時也可選擇接近白色的淺灰或米色單品，一樣能讓面試官對你留下有條理及細心的印象。
灰色：善於分析
比起黑白色，灰色應該是最不挑人穿的顏色，可以給人沉穩、擅長分析的專業印象，亦不會過於拘謹。建議可利用上下半身穿著深淺度不同的灰色單品，抑或選擇細格紋灰色西裝外套，既不失流行又能尊重場合。
綠色：親和友善
綠色是近幾年時尚圈最受推崇的色系之一，隨著疫情影響及人們更關注環境保護，墨綠、薄荷綠、湖水綠色等從自然界汲取的配色漸漸成為主流。大地色系能營造親和友善的感覺，適合應徵需要大量與人群接觸的工作。
雖說穿藍色等中性顏色面試最安全，但不代表其他顏色一定不適合。最重要是根據應徵的公司及行業特性，來準備你的面試穿著。建議求職者可以瀏覽公司的網站或社交媒體，了解公司文化、觀察員工有沒有偏好的穿搭風格，再決定挑選哪一種顏色「應戰」。
即刻按圖了解更多見工面試趣聞。
延伸閱讀：【見工面試】HR斥求職者失約無責任感 網民：公司唔請人都無通知！
延伸閱讀：【見工奇遇記】講出期望薪酬慘遭面試官恥笑 事主：最荒謬嘅求職經歷！
延伸閱讀：【見工面試】招聘廣告寫到明要「無不良嗜好」 網民：呢啲睇CV就知道？
延伸閱讀：【見工面試】Reference check留自己嘅另一個電話號碼 事主：HR又真係打嚟，好驚險！
最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤
Look out for further updates on our Facebook fan page!
Follow CTgoodjobs for the latest career news, hot topics and recommended jobs!