Next
【見工面試】求職者抱怨面試太麻煩！奇怪要求多、職務、薪酬唔清楚！事主：等咗成個月咩都冇⋯⋯
【見工面試】求職者抱怨面試太麻煩！奇怪要求多、職務、薪酬唔清楚！事主：等咗成個月咩都冇⋯⋯
2024-05-31
對於找工作，部分人會套用「有求於人，理應展示誠意」的心態，為此在工作面試前做最好的準備；得知面試失敗之時，難免會覺得委屈。
有台灣求職者在網上討論區Dcard分享個人想法，指認為面試很麻煩，全因為公司都有奇怪的要求，可是他們都未能夠提供詳細的職位資料，事主不禁感嘆：「等了足足一個月，但甚麼消息也沒有⋯⋯」
點圖了解更多事主分享：
事主：「有啲公司好奇怪，主動搵人去面試，已經有寫資料喺求職網站，仲要我入佢哋公司內部網站度填一堆資料。每間公司都有自己嘅智力測試同心理測驗要做，一間一個鐘，加埋真係不得之了。
奇怪嘅要求，好似要我提供MBTI、運動習慣同日常作息時間；仲有啲好奇怪嘅職位描述：HR講嘅內容，同部門主管完全唔同、管理嘅職位要管幾多人都唔清楚、出差要幾耐都唔知。
最煩係一直問你之前份工人工拎幾多錢，預期人工拎幾多，你咁問我，但點解你哋講唔出公司肯畀幾多我？等咗一個月先再Send封感謝信畀你，有感謝信算係比較得體嘅公司，有啲公司打嚟問完一餐，咩都冇！」
網民回應：
A/面試真係搞到好煩，各種測試，又要填一份佢哋自製嘅履歷表。點解未確定請我，都要填一堆嘢，我放喺求職網站啲資料又用嚟做乜？如果我係Apply啲好勁嘅位都算，但一般做Admin、Reception同Sales咋⋯⋯就算嗰間係大公司，我都唔係好明白。真係好唔環保，面試遇過嘅奇怪問題都好多。
B/啲好差嘅公司，就唔好理咁多，我見完就冇咗件事，不過好大嘅公司，見4個鐘都試過，仲要面試3次，體力都有標準，所以好多時去見嘅人都係好勁。
C/以我經驗嚟講，越細嘅公司，都要填啲越唔關事嘅資料。
D/我試過畀人邀請去面試，我都有話佢知，我心目中嘅理想薪酬有幾多，對方喺面試仲同我講「而家請人好難」，通常聽到呢句，就知間公司人工畀得太少！果然過咗一個星期，佢又再請人，話我知我落選！真係浪費大家時間。
E/都寫咗我預期薪金幾多，唔想開咁高價，做乜仲要面試，仲要有幾輪，都寫埋人工最低想有幾多，唉，真係好浪費時間。
F/真係好冇意義，之前面試都遇過一堆公司要做埋啲測驗，搞足3、4個鐘，最後咩聲氣都冇，浪費我時間。
G/原來我唔係一個人！而家我跟兩間公司嘅標準寫緊履歷，一間上市公司，另一間係上市公司嘅附屬公司。好攰呀！改個CV，準備面試，就已經要考中文能力。仲要寫應徵動機同SWOT分析，明明類似嘅嘢求職網站都有。最煩惱嘅係，上一份工嘅人工同期望待遇，仲未同人傾過，就要先露底牌。不過，我呢個咁無能力嘅社畜，都只可以認命寫落去！[FT1]
H/我都In到好攰⋯⋯一直問我喺之前間公司做乜，有咩收穫、開心唔開心。好正常嘅問題，但搞到我好心累。第一份工嗰陣，我都仲可以好熱血咁講個半鐘，但做咗2年嘢，我份工真係只係做Admin嘢，我已經唔知可以講咩。
大部分網民都同事主的看法，認為現在公司的面試都很麻煩，明明求職者早就提供履歷，對方卻要求以公司的格式，再填一份履歷表。分享個人經驗的網民指，曾遇過大公司花上數小時面試，更會有2、3輪面試，讓求職者感到好疲憊，最後卻沒有消息。
每間公司都應該審視招聘程序是否需要簡化，並加以改善。過程太過複雜的話，很可能會令有潛質的求職者失去興趣，錯過適合的人選。
離職的模範答案是甚麼？（點圖了解更多）
即睇CV中應該包含的soft skil：
延伸閱讀：【面試必殺技】見工有咩技巧？第一印象好重要？ 專家顧問教授「18秒自我介紹」
延伸閱讀：【見工面試】CV上要寫MBTI？面試講自己MBTI會否影響取錄機會？
延伸閱讀：【見工面試】面試以為對方問你「職涯目標」好易答？你分分鐘中咗陷阱都唔知！
延伸閱讀：【跟進電郵｜範例】見工後怕被HR忘記！Follow-up email寫咩好？內附4種例子！
最新專訪片︰
【星級斜槓族】Yan Ting周殷廷曾愛情事業兩失意 自認是失敗的歌手 入行9年首度開個唱
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!