Next
【見工面試】打工仔Gap咗大半年先搵工 Agent反應好大好驚訝？網民：唞吓好似有罪咁⋯⋯
【見工面試】打工仔Gap咗大半年先搵工 Agent反應好大好驚訝？網民：唞吓好似有罪咁⋯⋯
2025-01-23
在長時間的工作後，打工仔不免感到疲倦，有人會選擇暫停工作一段時間，通過進修或休息來調整狀態再重新投入職場。然而，招聘方往往有不同的考量，某些企業或會偏好沒有空窗期的求職者，認為他們保持着工作的狀態，能更快適應新工作。有網民在社交平台「Threads」發帖，表示自己大半年沒有工作，利用空窗期報讀短期課程及旅行，重新開始求職時，不料招聘公司（Job Agent）的反應十分驚訝。事主感到疑惑，離開職場才不足一年，影響有那麼大嗎？
即看事主分享與網民討論：
事主：「大半年冇做嘢，去讀咗個Short course同旅行，而家先再搵返工，個Agent 好驚訝咁……離開職場都未夠一年，好大問題咩？」
網民：「我試過只係空窗期4個月，佢好驚訝話：『你夠錢畀家用㗎啦？』」
網民：「轉Agent啦！佢連呢種自我探索同提升都接受唔到，就冇可能幫你搵到合適嘅工作㗎喇！因為佢認為工駁工先至係正常，佢啲客（即係公司）都會係呢類型，亦即係啲刻薄兼舊式嘅公司。就算叫你去面試都係得個吉，因為佢視你個Break為缺點。換過個Agent係可以正面回應你嘅，甚至覺得個Break係優勢嘅，佢就有能力幫你搵到合適嘅工，因為佢會Sell你個人有呢啲優點畀公司。」
網民：「我以前都試過。去見工時好似每個香港人都一定要Keep住做嘢咁，休息幾個月就好似好唔正常。」
網民：「我之前份工隔咗5個月先至搵到，都試過畀人話係咪懶呀。後來我話要照顧屋企人，佢先收聲。」
網民：「旅行三年，返香港擔心空窗期太長連面試機會都冇，於是開低過市價嘅數去搵工。見工時Manager話佢哋呢度唔理呢啲嘢，人工有標準規定，直接叫我改返高個期望薪金。」
網民：「係囉，做咗幾年嘢，唞返幾個月有咩問題？返工嗰陣又唔可以成日請假，趁辭咗職一次過唞晒又唔高興。」
網民：「冇返5年嘅路過。做返兩年，而家又裸辭再唞吓先。搵工係唔容易，面試嘅嘢到時準備吓點吹，對家都未必真係在乎你夠唔夠錢使，而係睇你點包裝件事。當然如果佢不懷好意咁問你，咪同佢Bye bye囉。成世人流流長，冇必要畀份工綁死，考慮自己想做嘅嘢更重要。」
網民：「面試嗰陣夠自信同正面就OK，你覺得冇問題，對方會接收到相同訊息。」
網民：「湊仔10年路過表示。去搵兼職都畀兩大問題夾擊：『你咁耐冇做過嘢？』同『你有人養咪得囉！』。我耐冇做過嘢唔代表我做唔嚟，有人養唔可以搵嘢做打發時間？如果佢係要挑剔你，咩都講得出口。」
網民：「記住，見工如果僱主介意呢啲，唔好接受Offer，因為九成九係伏工。」
網民：「我都兩年幾冇返工，雖然僱主一定會問，但只要理由合理，就冇乜問題。」
保持自信並在面試前做好準備
許多網民紛紛表示深有同感，表示合理的休息要求不被重視，僱主總是期盼打工仔持續不斷地工作；有人建議事主另覓求職公司，因為他們看不到事主的優勢，更難以幫助他找到合適的公司；另有人認為，只要自信並正面地解釋空窗期就不成問題。
正如網民所說，求職者應該保持自信並在面試前做好準備，清晰地說明空窗期的理由，以便打消招聘方的顧慮。同時，僱主亦應該對求職者有多一點包容心，因為合理的休整和進修有利於打工仔的個人成長，進而能夠提升團隊的效率和競爭力。
若然求職者在面試時被問及空窗期，可以參考以下回應方式：
1/ 保持真誠：誠實地解釋空窗期的原因，無論是個人情況、家庭責任、進修學習或是其他原因，因為真誠能幫助你與招聘方建立信任。
2/ 強調積極性：強調在空窗期內你所參與的活動，如志願服務、自由職業、兼職工作或進修等，展示你如何利用這段時間保持積極和活力。
3/ 展示技能：呈現你在空窗期內學到的新技能或知識，並強調這些技能與這個職位招聘要求的相關性。
4/ 展現正面態度：保持自信，避免對空窗期的負面描述，着重描述這段經歷對你個人成長和職業發展的積極影響。
5/ 準備具體事例：準備好具體的例子來支持你的解釋，讓你的回答更加可信。
延伸閱讀：【辭職轉工】未搵到工嘅空窗期 可以點樣令自己增加收入？
延伸閱讀：【求職天書｜面試問題攻略】見工被問上一份工離職原因 6大模範答案得HR歡心（內附提升面試成功率方法）
延伸閱讀：【見工面試】空窗期愈長 人生愈無得翻身？ 進修改變命運？
延伸閱讀：【面試難題】面試時被問「空窗期」要點答好？教你7個英文理由！（內附應對範例）
最新專訪片︰
【Office豪華旅行團】安永會計重視多元和企業社會責任 培養包容性的企業文化
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!