Next
【見工面試】不幸DSE零分或全U 見工應唔應該講出嚟？HR教你要點答！
【見工面試】不幸DSE零分或全U 見工應唔應該講出嚟？HR教你要點答！
2023-01-16
不少打工仔都有見工的經驗，然而，並不是每一位都能夠自信又坦然地面對自己的過去，畢竟沒有一個人可以完全地做到100分，過去可能一些公開試、職場上都有遇到過挫敗的時候，例如DSE、會考、高考失手，又或者試過被公司解僱，到下次見工時，無疑會造成一些心理障礙。這時又應該如何面對和拆解HR的提問呢？
延伸閱讀：【見工面試】想為自己爭取更高人工？要學識點同HR談判！
讀者Garven（化名）向CTgoodjobs投稿，指自己一直都面對一個心理關口，因為當年公開試考得不好，所以面試時往往希望「隱惡揚善」不主動向HR提到自己公開試的成績，不過又不知道這做法會否不誠實，若被問起又不能說謊，不知道怎樣的對答才最好。相信大家都有如他一樣的疑惑吧？所以我們請了Fillture Career Coaching Limited HR 團隊顧問Maple來為大家解答！
即睇事主分享及HR解問：（按圖了解）
事主：「如果不幸會考0分或DSE全U的話，唔知見工應唔應該show畀對方睇？因為見工係人都知要『隱惡揚善』，如果show畀對方睇等於花式自殺！如果唔show畀對方睇（淨係中學畢業證書）對方又可能主動開聲問你『有冇考會考/DSE？』諗到呢度就覺得好尷尬同埋苦惱……因為普遍主流思想覺得成績差就係垃圾，甚至會引申到質疑你工作能力或態度有問題。真係好驚畀人兜口兜面咁問，都唔知點算，感覺上好似被挖瘡疤咁！
如果會考0分或DSE全U喺見工個陣被對方問起點解咁差，應該點拆解？真相通常係咁：讀極都考唔好，愈嚟愈唔鍾意讀書，覺得自己唔係讀書材料，放棄同死心。
p.s. 如果強調自己好『後悔』又似乎太行同埋太假，自己講完都覺得唔自然同打冷震，即使你扮豁達或樂觀，對方亦好大機會感覺到你唔自信同死頂……學校老師成日強調讀書成績差（會考0分/DSE全U）就注定冇前途同埋冇人請，我亦因為搞到自信好低落。
見工又好驚畀對方針住呢點問，感覺似畀人挖瘡疤，更加擔心引申到被質疑能力同態度有問題，因為普遍大眾都會覺得成績差、唔鍾意讀書等同垃圾、廢人。我亦想知我有咁嘅諗法，關唔關被學校影響、洗腦、潛移默化事？」
CTgoodjobs邀請了Fillture Career Coaching Limited HR 團隊顧問Maple來為大家解答，公開試的成績不理想，應該和盤托出還是有所隱瞞？
即睇Maple為大家解答：（按圖了解）
Fillture Career Coaching Limited HR 團隊顧問Maple：「首先，要看看現在申請的是哪個工種，例如是否有學歷要求或需處理文件，若HR沒問及其中學或之前的學歷成績，真的可以不主動show出來！但若真的問到，還是要提供的。話說回來， 若本身不需要學歷要求或所申請的工作以動勞體力為主，HR未必真的會很考慮公開試的成績。
其次，其實在社會工作的時間愈長，僱主或HR會考慮的還是行內經驗，工作崗位的技能等比較多，即Knowledge Ability Skill（KAS），因為學歷的影響會相對地低。除非是一些文件、語文能力要求較高的工作。
當然，說完全沒影響觀感，可能會有點誇張或天真了，但是，現時坊間其實有很多課程已可作為文憑相等學歷，建議投稿者可看一下，有些更是以應用為考核的課程。這有兩個作用，一來能顯示提問者的積極，會持續吸收知識；DSE或會考失分，可能只是當年未開竅。二來，投稿者本身有時都會為這『標籤』影響面試或工作表現吧？所以進修相對應的科目，亦是增加自信和個人魅力的一個平台！」
延伸閱讀：【見工面試】想為自己爭取更高人工？要學識點同HR談判！
延伸閱讀：【過檔跳槽】主動邀請打工仔面試過檔 點知人工一蚊都唔加！網民：誠意呢？
延伸閱讀：【OT文化】打工仔見工必問要唔要OT 網民教路：咁問會好啲⋯⋯
延伸閱讀：【見工面試】HR點解會問「有無經濟壓力」？網民：正常公司唔會問⋯⋯
最新專訪片︰
30歲蘇麗珊轉型做唱作歌手 大爆曾經5點起身返咖啡店、做地盤
Look out for further updates on our Facebook fan page!
Follow CTgoodjobs for the latest career news, hot topics and recommended jobs!