Next
【被炒經歷】畀人炒嘅理由係唔夠積極？打工仔發現全因冇做1件事！「應該點改進至啱？」
【被炒經歷】畀人炒嘅理由係唔夠積極？打工仔發現全因冇做1件事！「應該點改進至啱？」
2024-10-31
找到工作的一刻，尤如在漫長的求職路上看到終點。滿心歡喜能在職涯上來個新開始，豈料一切都要砍掉重練，會是怎樣的感受？有台灣打工仔在網上討論區Dcard講述個人經歷，指自己被公司解僱，對方稱原因是他不夠積極，後來事主才發現是沒做1件事所致，不禁問到「應該如何改進？」
點圖即睇事主分享：
事主：「喺十月中，我面試咗一間新創電子商務公司，應徵行銷策劃助理，通勤時間21分鐘，人工30,000台幣（約7,660港幣）。公司淨係得4個人，我做咗兩個星期左右，就突然被HR叫去傾偈。HR話因為我工作表現唔夠積極，所以認為我唔適合，今日就要我非自願離職（講白啲即係畀人炒）。當時我其實冇覺得驚訝，反而係喜怒交雜。
開心嘅一方面係可以解脫，因為人工同工作內容根本唔成正比，工作分工好亂，訂單多嘅時候可能要由朝早8點忙到下晝5，每日收工都冇OT錢都仲要人送貨。我知道需要成日OT，但呢啲其實我都可以接受，因為面試嗰陣面試官已經講過，我都係抱住學習新事物嘅心態嚟。
但我最接受唔到嘅係，HR話我工作唔夠積極，但佢無法清楚講出我唔積極嘅原因，只係話行政報表有啲錯，但又話行政需要時間學習，最後就話因為我收工冇留低同同事討論工作，所以評價我唔積極。
報表記錄每個訂單嘅內容，尤其係新創公司，報表格式會經常變，所以對於啱啱入職兩個星期嘅我嚟講，出錯係好正常嘅事。帶住我嘅人有時候都會出錯，我哋都有互相提醒，而且啲錯誤根本唔算嚴重，所以我覺得呢個根本代表唔到我工作唔積極。
最後，HR仲話另一位負責Design嘅同事，收工都會留低同同事討論，但我收工要送貨，如果要討論，就要返返嚟，而同事又冇私下或者公開叫我要留低討論。明明我Apply嗰份工係策劃，但最後卻變咗包貨送貨員，其實呢啲都冇所謂。我喺工作期間參加過兩次開會，第一次會議提到雙11策劃，但之後前輩冇叫我寫文案。
第二次會議時，前輩突然Present咗文案，而我根本冇參與過。我以為帶住我嘅人想要我先熟悉行政，所以冇叫到我。老闆為大家一齊諗出嚟，之後，老闆花咗好多時間解釋公司產品同未來願景，我都有記低啲細節。但開完會返到Office後，冇人提出要討論細節，甚至所有Chat Group都冇講要討論。呢個星期完全冇人提過策劃嘅事，我有主動同同事講，但佢哋都只係笑住帶過。最後，HR就話因為我冇收工留低同同事討論公事，所以工作態度唔積極，要炒咗我。
所以，我想請教各位前輩，作為一名啱啱畢業一年幾嘅職場新人，我喺第2間公司表現係咪有問題？有咩方法可以改進？」
網民回應：
A.想你走，求其搵個理由就得，唔使諗太多。
B.呢啲公司有咩好留戀？細公司仲擺出一副大企業嘅姿態，人工畀得咁少。
C.去細公司根本就係原罪。
D.你下次Apply行銷助理，可以先問吓工作內容先，實際上係行銷多數都係做行政或者係打雜（但當然唔可以直接話係打雜）或者係其他佔更多（想狠啲可以直接問佢係大概幾比幾）。
E.彈性唔夠，細公司講彈性，廣而通，所以你做3件事，只有一件做唔好就會畀人覺得你唔夠積極，冇乜唔好，只係唔夠專精。
F.講真間公司咁差又冇制度嘅公司，你都係早走早着，順便認清啲人。
G.我覺得唔畀人改善嘅公司先係最差，我都遇過呢啲唔畀機會人就定生死嘅公司，雖然會沮喪，但唔緊要，好工作就係靠自己搵出嚟，仲有機會搵到！
H.公司先得4個人，一個係你，一個係啱啱入職嘅Designer，一個係HR，剩低嗰個係老闆？
網民都安撫事主，坦言不用過於自責，實際上沒有可以改善的空間，全因當公司想解僱一個人，根本不需要理由。有網民就認為加入小型公司，本來就是原罪。有人就建議事主，在申請「行銷助理」相關職位時，應該先詢問工作內容，全因為工作主要以行政及雜項工作為主，想得到更具體的指引，網民指可以詢問兩類型工作的比例。個案中的公司故然有問題，但事主在這方面都要負上責任，全因他在應徴工作時，不清楚詳細工作內容的情況下接任工作，很容易出現貨不對辦的情況。
6大面試中伏位
中3個伏工特徵即走？
延伸閱讀：【伏工特徵】入職2周果斷辭職！全因發現公司2大離譜狀況？事主：難怪一直請唔到人！
延伸閱讀：【職場熱話】好工可遇不可求！點樣先叫做好工？網民：老闆好、同事融洽已經好難得！
延伸閱讀：【職場熱話】打工仔斥新公司「微管理」好難頂 出去見客要填表 遲到逐分鐘扣錢 仲要員工喺ＯＯ自拍！？
最新專訪片︰
【星級斜槓族】Cloud雲浩影曾做過侍應、補習老師及派傳單 風格多變深受觀眾喜愛 冀能實現演唱會夢
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!