【行業辛酸】喺壽司店做似簽奴隸契約？「返工無乜人去廁所、飲水」

即使現在放寬旅遊措施，香港人有機會重返「故鄉」日本，卻礙於必須跟團及回港隔離的限制，無法做到隨時起行。為了令自己有於日本旅遊的感覺，香港人都會選擇吃日式料理，當中最受歡迎的可謂壽司店。顧客能盡興而歸，都是全靠一班飲食業打工仔辛苦的汗水換回來。

在網上討論區有打工仔分享自己在壽司店工作的辛酸，指自己尤如簽署奴隸契約，「在上班的時候，幾乎沒有人會上廁所、喝水。」

點圖了解更多事主經歷：

+20

+19

延伸閱讀：【面試攻略】見工被問上一份工離職原因 6大模範答案得HR歡心
延伸閱讀：【職場英語】學會英文客套話 不再被字面誤導

事主分享：

「呢幾個星期我都喺一間日式壽司店返工，做到我成個人都腰酸背痛，有朋友想約出嚟聚吓，都因為太攰，所以出唔到去。

先唔講佢哋要做啲咩精神喊話，我想講裡面好多規矩無寫出嚟，喺一開始嘅時候，根本就唔會知道。佢基本上係唔會畀機會你去廁所同飲水，如果你返夠8粒鐘就要捱足咁耐，又或者喺一個鐘頭Lunch Time自己搞掂佢。

本身出面已經忙到癲，但佢唔會叫多啲人返嚟返工，而係預到啱啱好，令你無時無刻都有嘢做，唔會有停手嘅一刻，使到你盡，見你咁啱無嘢喺手做緊，得閒就叫你放飯。食飯係唔包兼無津貼，餐廳入面嘅飲品亦唔可以飲，否則會即刻炒咗你，想飲水就要去員工休息室飲自己嘅水，但來回又要重複兩次，大約3至4分鐘嘅洗手步驟，但搞咁多嘢之後，出面就會唔夠人，你就會畀佢鬧爆，問你去咗邊，我返咁耐工，都唔係好覺啲同事去廁所或者飲水，佢哋多數都係死頂。

如果返工唔好彩，差唔多全場都係女同事，廚房嘅多數嘢都要你自己拎出去，拎到你腰都斷，多數做得耐啲灰色衫都會黑口黑面，問多兩句又鬧你，唔明啲同事點解可以做咁耐，返份工都好似簽咗奴隸契約咁，我已經辭咗工。」

A/就咁睇時薪真係唔錯，不過日日排班排到死，諗吓都覺得人工低少少，做少啲嘢會着數啲

B/啱，問題係香港真好多人鍾意返工

C/真係好乾淨，去做食客算

D/以前我做過日式拉麵店，一樣好難頂，啲日資公司成日都要叫口號，收舖嗰陣要做體力勞動嘅工作，但又熄咗部冷氣，諗返真係好地獄，而家份工可以坐喺度玩吓電話，人工都差唔多有以前嘅雙倍，都唔知做到隻狗咁為咩

E/餐廳唔包食，做嚟都唔知為咩

F/呢啲工係為咗鍛煉員工奴性，令佢哋無思想，方便管理，做隻狗都有放風嘅時間，做呢啲工做足8個鐘，成個機械人咁

G/嘢係幾好食，但睇得出好Chur，日資公司、香港人管理，真係當你係機械人咁，師兄好好唞吓

H/我返咗一年，由樓面轉咗入廚房，同啲同事熟咗會幾好玩（不過我諗間間分店唔同）入到廚房可以食啲炸軟殼蟹同埋啲炸帶子。樓面做收銀就可以Hea，得閒就用對講機講幾句，時間好快過

I/樓面真係唔係人咁品，啲客每到50分鐘就叫你關心佢哋，埋咗單又要即刻執枱，執完又要關心吓啲客，無枱執就要出嘢飲，無枱要關心又要入去廚房攞嘢，啲灰色衫只係企喺度點你做嘢，利申我已經無做

J/大把西餐廳嘅Part-time同炒散，都係呢個價嘅時薪，仲要輕鬆好多，特別搵啲無咩客嘅西餐廳，實係吹水吹足成晚

K/我贊成返工應該係有返啲標準喺度，好似要勤洗手、返工唔畀用手機嗰啲，但要同人工成正比，基本Stand down時間都好重要

入行前先認真考慮
有網民指遇上這種不能停手、連水都不能喝，多限制的工作，還是早點辭職比較好。如果腎、肝出問題，甚至令人壓力過大，要看心理醫生，人工都不足於支付醫藥費。在香港做飲食業都需要刻苦耐勞，工時長、薪金卻不高，有時候更會如事主的公司一樣，提出苛刻的條件。因此在應徵的時候都要做足心理準備，面試的時候提出好奇的問題，再考慮清楚，才好加入飲食業。

十大職業倦怠症狀你中了多少個？（點圖了解更多）

+18

+17

即睇5個拯救職業倦怠的習慣：

+13

+12

延伸閱讀：【見工奇遇記】問職業前景卻被面試官黑面？求職者衰講多咗●●兩隻字
延伸閱讀：【見工面試】求職者常遇到的4類測試

⏩⏩  需要請人？立即刊登招聘廣告！  ⏪⏪