Next
【職場霸凌】為慳錢日日食包被同事笑 被霸凌、被抑鬱困擾 應該點做好？
【職場霸凌】為慳錢日日食包被同事笑 被霸凌、被抑鬱困擾 應該點做好？
2023-07-28
YouTube頻道「微辣」前經理人阿晶（Jane）因抑鬱症輕生，遺言貼文指其中一個原因乃職場霸凌，這令人深感震撼和悲痛。職場霸凌是一個嚴重的問題，它不僅對受害者的身心健康造成傷害，也會影響整個職場的和諧和工作效率。
延伸閱讀：【職場性騷擾】同事成日講鹹笑話 覺得好唔自在！同HR反映都不受理 男同男就唔算性騷擾？
在現今競爭激烈的就業市場中，工作壓力和競爭帶來的情緒問題也越來越多，因此，如何應對職場霸凌和保護自己的身心健康，成為了每個人都需要關注和思考的重要問題。有網民在香港討論區上有感而發，指職埸霸凌、網絡霸凌每天都在發生，如果遇到這些境況，應該怎樣處理才能減少悲劇發生？
即睇事主分享及網民回應：（按圖了解）
事主：「有時啲人講兩句以為開玩笑，講者無心聽者有意，如果真係圍威喂一齊去霸凌一個人更加可恥！記得舊公司有個男同事為咗慳錢每日都食包，但係其他同事唔會諗吓佢咩原因，由講下講下變成笑佢，最後慢慢就變成職埸霸凌……無論職埸霸凌、網絡霸凌都好，大家咁樣做都真係好錯！被職埸霸凌嘅人其實應該點處理係最好？除咗辭職係咪冇其他選擇？唔知大家有冇試過被霸凌？嗰種感覺真係一啲都唔好受，呢樣嘢社會真係要正視一下！」
網民：「霸凌人嘅人真係好可恥！」
網民：「我雖然無被霸凌，但啲同事成日推 job 畀我，上司唔處理。」
網民：「返工就未試過，但係中學畀人欺凌咗兩年……」
網民：「其實冇，一係死忍，一下走。」
網民：「無視，你要認清網絡只是一個假嘅世界，你只是一串中文字，別人鬧你，佢都唔知你係邊個？所以上網耐咗你就習慣了。網上個個人都只係一堆數字。」
網民：「第一份工有，係supervisor， 差唔多三年，我就忍咗三年。佢要辭職請大家食飯，我係唯一一個唔去。之後一次，佢單獨請平時同佢啱key兩個人食飯，佢居然叫埋我去，我話我唔得閒，點知佢過咗兩個鐘後就打畀我，我唔聽，佢就係咁打，一共有成10個miss call。 我呢啲係冷暴力，一次KO佢，一次payback晒三年佢對我職場欺凌。」
網民：「全世界都發生緊，如何正視一下係一個問題，啲事件唔搞到死人上新聞都冇人理， 最可悲係，上完新聞過一排，相似事件會繼續發生，沒完沒了。」
網民：「中學試過，但唔係可以點，咪捱到畢業。」
網民：「一係做，一係唔做。完。」
網民：「冇經濟壓力。馬上唔做，找開心環境工作。」
網民：「人善被人欺，得閒發下惡，兇下佢哋。」
網民：「我當只打過一次工，做trainee時受到欺凌，之後仲被開除……之後自己創業做老闆，而以前佢哋間公司之後就執咗。」
網民：「睇吓乜原因，好多時你講嘅覇凌都喺自己問題多。」
網民：「鍛練心理質素強大，理得人哋講乜。」
面對職場霸凌是一種不幸的經歷，但是有些方法可以幫助你應對這種困境。以下是六個建議，可以幫助你更好地處理職場霸凌。
1.保持冷靜和專業
當你受到職場霸凌時，不要讓自己陷入情緒化的狀態。保持冷靜和專業是很重要的，這樣你才能更好地應對霸凌行為。如果你感到情緒化，可以暫時離開現場，冷靜一下。
2.記錄證據
記錄證據是非常重要的，這樣你才能有實際的證據來證明你所受到的霸凌行為。保留所有相關的郵件、訊息、紀錄和證詞，並記錄發生的時間和地點。
3.尋求支援
如果你感到自己無法應對職場霸凌，尋求支援是很重要的。你可以向上級主管、人力資源部門或職業顧問尋求協助，讓他們幫助你處理這種情況。
4.保護自己
保護自己是非常重要的，這樣你才能避免受到進一步的傷害。如果你感到受到威脅，你可以通過更改密碼、報警或安排護衛來保護自己。
5.接受心理輔導
職場霸凌可能會對你的心理和情感造成負面影響，接受心理輔導可以幫助你更好地處理這種經歷。心理輔導可以幫助你釋放壓力、減輕焦慮和憂鬱的感覺，並幫助你重建自信和自尊心。
6.尋找新的工作機會
如果你受到職場霸凌，你可能需要考慮尋找新的工作機會。這樣可以讓你遠離霸凌行為，並重新開始。在尋找新的工作機會時，確保選擇一個良好的工作環境，並選擇一個支持你的工作團隊。
職場霸凌是一個嚴重的問題，應該被避免和譴責。如果你或身邊的人受到職場霸凌，應及時尋求幫助，並通過法律手段來保護自己的權益。
求助熱線：
香港撒瑪利亞防止自殺會熱線：23892222
香港心理衛生會熱線：2772 0047
醫院管理局精神健康專線：24667350
東華三院芷若園熱線︰18281
社會福利署熱線︰23432255
生命熱線：23820000
延伸閱讀：【職場性騷擾】同事成日講鹹笑話 覺得好唔自在！同HR反映都不受理 男同男就唔算性騷擾？
延伸閱讀：【職場文化】月尾要去旅行 面試時應唔應該講明？定係等簽咗約先講？
延伸閱讀：【心理測驗】超神準！如何改善職場人際關係？10秒測出你是哪一類型的同事
延伸閱讀：【職場趨勢】資深打工仔越嚟越多？2030年全球多達1.5億職位由55歲或以上人士擔任！
最新專訪片︰
【星級斜槓族】Judy鄺潔楹棄當業務分析師入娛圈 曾擔心只有$3,000月薪 配升呢為曲奇餅店、健身室及時裝品牌老闆娘
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!