【職場辛酸】畢業生做幾個人workload 返工2個月即跟大project 網民：人工無呢個數即走！

應屆畢業生（Fresh graduate，簡稱FG）初踏職場開始感受到工作的壓力，隨着經驗的累積，FG會漸漸成長，學會克服困難。不過，有些難題是未必能夠解決的。

在網上討論區Dcard有FG分享個人經歷，指自己才入職2個月以上，就要做幾個人的工作量，負責大型項目，令他無所適從。對此網民指︰「沒有這個數目的人工，建議辭職離開！」

點圖了解更多事主分享：

+11

+10

「我係一個FG，而家返咗2.5個月工，跟緊公司兩個大Project。其中一個Project，其實係幾個Team一齊合作，雖然我條Team in lead，但我條Team就得我一個人做（本身唔夠人手同請唔到人），所以一開始我已經一個人頂緊原本3至4個人嘅workload。

同時間，其他team又會射晒啲workload畀我，話應該係我條team負責乜乜乜。佢哋做嘅嘢又多甩漏，次次pass畀我，都會發現有好多問題要幫佢哋執同改，同埋成日Last minute先pass過嚟，話有嘢要改，總之要改幾次先得，搞到我近排日日都OT到8點幾（平時正常收5點半）。

因為其他Team嘅嘢都畀我Follow up，搞到我一個FG頂緊幾個人嘅Workload，就算我射返過去，佢哋都唔會理我（我明因為我係小薯仔），但我覺得公司太多冗員，乜都畀晒我做，所以諗緊好唔好辭職，定其實其他公司都係咁？」

網民回應：

A/可以辭，因為你個case無預期會改善到呢個問題嘅曙光，同埋冇上司或者mentor帶住你學習，學嘢嘅速度會好慢。

B/你呢個Case，人工冇$30,000可以即刻拜拜！

C/做夠一年即走！

D/人工幾多先？

E/真係喎，做到一人Department咁，但我有經濟問題先捱落去，如果樓主經濟狀況OK，就趁早走啦！

F/ 我FG返第一份工又係咁，拎FG價但做到一人Department咁，自己孭起晒成個stock plan，入面全部item自己負責晒。本身以為出面啲公司都係咁，直到轉咗工先發現個世界好大，會搵到更加好嘅工，之後直頭後悔點解唔早啲quit！

找工作時打醒十二分精神
聽畢事主的經歷，網民都紛紛勸喻事主，早日離開現時的公司。有網民指，短期內事主的狀況，看來沒有改善的空間，加上沒有資深同事帶領，學習的速度定會有所延誤。有人向事主坦言，假如事主的人工沒有$30,000，可以直接遞信辭職。曾有類似經歷的網民表示，試過一個人負責多人的工作，但轉工後才發現世界好大，總會找到更好的工作。

事主經歷如此狀況令人同情，為避免發生同樣的情況，事主好應該在面試時向面試官查詢工作的狀況，從而了解是否適合自己，避免跌進伏工陷阱。

想知道工作是否「伏」，應該怎樣詢問？（點圖了解更多）

+16

+15

即睇網民提出最伏工作內容：

+9

+8

延伸閱讀：【職場英語】想喺Email快速表明目的？ 教你7大「For your…」用法
延伸閱讀：【職涯規劃】30歲最後悔做過邊10件事？「拍拖太少」都上榜？
延伸閱讀：【職場熱話】好奇而家返工嘅人用乜中文輸入法多？網民：而家班00後好多都用普通話拼音啦！
延伸閱讀：【職場關係】10種職場「小人」典型特徵 小心過度友善 悲觀主義者

用你3分鐘！快啲填！🥳🥳🥳

《CTgoodjobs 2024年第一季薪酬趨勢調查》

👉https://bit.ly/CTgoodjobs2024年第一季薪酬趨勢調查 

最新專訪片︰

【SHE Says】打破職業性別刻板印象 平衡領袖、媽媽身分 滙豐香港首席資訊科技總監Charlotte：我有克服所有困難的自信

⏩⏩  需要請人？立即刊登招聘廣告！  ⏪⏪