Next
【職場趣聞】以為升職請同事食飯 點知升唔到
【職場趣聞】以為升職請同事食飯 點知升唔到
2022-12-16
升職加薪乃是職場一大樂事，但若果最後食詐糊空歡喜一埸，的確有點顏面盡失。最近有網民於香港討論區發帖，指公司一名同事獲上司賞識，口頭承諾會向公司推薦升職。該名同事聞言後即花費數千元請一眾同事飲茶，無奈最後功虧一簣，這名同事竟然作出這種決定⋯⋯
即睇事主經歷：
事主：前排老闆同班同事講睇好一個同事，所以打算升佢職，話會同大老闆講，叫佢升職同加人工。
事主：同事見有得升職加人工好似幾開心，話請成班同事去飲茶，都食咗幾千蚊。
事主：但後來唔知點解個同事升唔到職，佢竟然想收返我哋嗰日餐茶錢。
事主：不過都過咗成半個月，而家喺度收返真係好樣衰。
事主：所以下次未肯定升職，未收到份糧，都唔好咁快開心住周圍請食飯喇！
即睇網民回覆：
網民：最低限度都要出咗Memo先，不過要收埋信，知道加幾錢先決定請人食乜嘢，咁就穩陣好多。
網民：咁耐之後先講真係唔太好。呢種請食嘢太過自High，又無人叫你屈你⋯⋯仲有Lunch飲茶何來幾千銀？ 明屈傻仔。
網民：係經理推薦佢，無話百百分升到，無三不成幾，15個人飲茶每人$200都$3000啦。
網民：講大咗已經樣衰，收返餐茶錢就再樣衰多次。
網民：飲茶幾千蚊？梗係去咗四季酒店食點心。
網民：咁嘅情況大家夾返都好嘅，佢都好傷吓⋯⋯
網民：瘀爆，畀著係我即刻遲職！
網民：其實佢升唔到大家好快唔記得，收一收茶錢，大家刻骨銘心。
網民：不嬲都係公司出晒Email先會請㗎啦，佢做咩咁傻豬？
網民：梗係出咗Memo、簽埋約先請食嘢啦！你同事未坐正就用升職名義請食嘢簡直低智商，唔升佢係一個正確決定。
唔想升職食詐糊？即睇打工仔必備5種特質。
—充滿好奇心這類員工不僅會做好份內工作，他們有強烈的好奇心，樂於學習和解決問題，會自發思考創意方案解決商業問題。他們能夠在上級介入之前主動處理事情，也間接影響身邊的同事產生漣漪效應，推動公司整體的生產力。 —快速學習的能力
擁有快速學習的能力在職場十分重要，員工可以快速吸收新知、消化知識，然後將知識轉化成具體行動，從而發展成一項技能。即使轉換不同公司，這類人都可以快速適應新任務，在最短時間內掌握新崗位的要求。 —將意見轉化為行動
意見是推動進步的動力，雖然有時收到第三者意見會讓人感到不舒服，但優秀員工會把意見視為改進和成長的途徑。他們願意了解自己的不足之處，並努力將弱點轉化為優勢。挫折會激勵他們前進，最終使他們變得更有韌性。 —獨立和團隊合作兼備
有能力獨立完成工作的人很多，但同時擅於與團隊協作，兼備兩種工作方式的人很少。如果你不僅能獨立完成工作，而且在團隊中表現活躍，並能獲得其他成員的尊重，那麼老闆自然放心交付不同類型的項目給你負責。 —能激勵團隊成員
真正傑出的員工，是能夠讓周遭的人都變得更好的人。如果你是初級員工，你可以常鼓勵共事的夥伴一同投入項目；如果你是管理級員工，你可以找出下屬的長處並給予空間讓他發揮所長，營造出正向的工作氛圍。 職場文化博大精深，立即了解更多！
延伸閱讀：【職場文化】新同事走完一個又一個 上司：一個月請食幾餐迎新飯…
延伸閱讀：【職場熱話】升職但不加人工？ 老闆說話震驚打工仔：●●就有機會加
延伸閱讀：【職場熱話】十年資歷薪水才升到20k 想辭職卻被升職留任 打工仔：皇恩浩蕩
Look out for further updates on our Facebook fan page!
Follow CTgoodjobs for the latest career news, hot topics and recommended jobs!