Next
【職場貼士】職場中邊種上司較受打工仔歡迎？
【職場貼士】職場中邊種上司較受打工仔歡迎？
2022-11-24
小小香港地，職場上尖酸刻薄的上司何其多。打工仔要應付日常巨大的工作量已經苦不堪言，要同時應付惡頂上司更是百上加斤。面對態度惡劣、對下屬無理取鬧的都係事少；但無故卸膊、要下屬「食死貓」的才真正令人頭痛。但講到尾，如何才算成為一個員工心目中的好上司？有網民於網上討論區發起投票，討論一個好上司應該具備甚麼樣的特質。
按圖即睇事主討論：
事主：公司有兩個都爬升得好快，跟邊款上司好啲？
事主：A – 關心吹水型
事主：平易近人、關心下屬、吹水一流。因為上司吹得大，喺在其他部門面前會威，但下面班細成日要做不可能的任務。
事主：鼓勵同事OT自己鬆，A字膊有鑊會卸落嚟。成日應承升人，但實際升到嘅唔，希望幻滅時自動起身走，不過跟佢時氣氛基本開心愉快。
事主：B – 冷漠實幹型
事主：冷淡，唔關心下屬，事事從公司角度出發而唔係從部門出發。
事主：下屬會做多咗嘢無得推，要求高，心水清Hea唔到佢, 氣場巨大。
事主：唔鼓勵OT、自己準時走；同事請假易、自由度高，最緊要交到貨。
事主：睇能力唔睇年資，諗住排隊上嘅唔使旨意，擦鞋仔更加無運行。
事主：團隊氣氛平淡，自己做自己事，唔鐘意同事同其他部門太熟。
即睇網民回覆：
網民：仲要揀？梗係B啦啦！
網民：B，千祈唔好跟卸膊的老細。
網民：我覺得B好好多。但有B的下屬話跟B壓力好大，唔知佢諗緊乜，同埋唔鍾意佢同其他部門的同事太熟。
網民：我揀B，最憎寫字樓擦鞋文化。
網民：關心吹水無問題；要做不可能的任務無問題；鼓勵同事OT自己鬆都無問題，有鑊會卸落嚟就好大問題。
網民：A字膊老闆幾「關心」下屬都假！仲駛諗？
網民：做實事心水清保下屬係cool啲咋嘛。 返工又唔係過人世， 梗係搵個做嘢爽手唔氹波鐘㗎啦！
網民：B！上司唔使你同其他部門打關係，求之不得啦！
網民：B。氣場勁，對客/其他部門都唔會蝕底，自由度高，請假易，唔OT。
網民：有能力有事業心嘅就跟B；無能力Hea做嘅就跟A。
與其怨天怨地，不如試下同上司打好關係！（按圖即睇）
延伸閱讀：【職場貼士】想被老細器重 但唔想做擦鞋仔？4招低調地打好關係！
延伸閱讀：【職場上司】收工竟遇上司追星 打工仔：40幾歲仲癲過我哋⋯⋯
延伸閱讀：【升職加薪】因上司離職獲晉升 對方卻有意食回頭草！事主：最後佢嚟見我個位……
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!