【職場穿搭】返Office工戴帽畀上司警惕 網民：室內戴帽=冇禮貌！

大家返工有沒有dresscode呢？有些公司很着重員工的形象，即使不用對客，都會規定員工以formal dressing或smart casual風格返工，而女士就不能太過暴露，裙或褲太短的話，更可能會被HR提點，甚至是收到警告信。那男士是否就比較少一點機會犯規呢？不知道大家對戴帽返工又有甚麼看法呢？

延伸閱讀：【IT熱話】見工坦承曾hack公司電腦發現有bug 老細即請！

有網民在社交平台專頁「奴工處」上投稿，指自己因為戴帽返工而被上司警告，不知大家又有沒有這樣的經歷呢？網民分享道：「本身男，做back office，個position本身冇dresscode要求，有時唔想gel頭懶得搞，就戴帽返工，之後就畀上司『照肺』！真心有問題咩？」

大家有試過戴帽返工嗎？原來在辦公室不能戴帽是基本禮儀、不明文規定嗎？

即睇網民討論：（按圖了解）

+9

+8

網民：「側田好快畀人炒。」

網民：「戴帽喺室內唔除的確係冇禮貌嘅表現，可能而家已經無人知啦。」

網民：「唔係冇咩人知，係已經冇咩人做，都成百年前嘅禮儀嚟！」

網民：「其實正統嘅office係仍然唔畀戴嘅！」

網民：「可能佢唔知室內帶帽嘅只可以係女人，男士入到室內一定要除卦，呢啲嘢其實有讀過書都知嘅。」

網民：「睇咩office咩公司啦，IFC、金鐘、太古，你戴帽咪唔match囉。如果喺旺角、沙田、觀塘等等，短褲戴帽我唔覺得有咩問題。」

網民：「office戴帽都算係奇葩。」

網民：「返office工如果覺得因為無dress code就認為可以戴帽返工，咁只可以講佢唔太適合返一般嘅office工。」

網民：「冇dresscode就代表着乜都得？」

網民：「冇dress code你唔着泳褲返？」

網民：「咁要睇吓你公司文化啦！」

網民：「有見過design男女同事戴帽返工。利申：我思想比較open，就算男同事着裙我都唔覺得有問題。」

留意公司文化
原來很多網民都認為在辦公室不能戴帽，並指在室內不除帽是沒有禮貌的表現。不過，都有網民指這規不合時宜，「已經冇咩人做，都成百年前嘅禮儀嚟！」亦有網民覺得，能否戴帽與否，其實都要看公司類型和公司的地段，「睇咩office咩公司啦，IFC、金鐘、太古，你戴帽咪唔match囉。如果喺旺角、沙田、觀塘等等，短褲戴帽我唔覺得有咩問題。」

然而，說到尾都是要視乎公司文化，正如有些網民指，難道沒有dresscode，就可以隨便穿泳衣上班嗎？既然上司已經說明了公司的規矩，那就應該尊重公司、尊重自己，在沒dresscode下都應該整理好自己的儀容才上班去。

不過，大家的公司又會否讓員工戴帽上班呢？

延伸閱讀：【IT熱話】見工坦承曾hack公司電腦發現有bug 老細即請！

+20

+19

延伸閱讀：【職場熱話】新上司每個星期請食飯 係好上司認證？網民：遲早要還㗎…

延伸閱讀：【辭職學問】返工首月內想辭職 朝早定係放工遞信先啱？

延伸閱讀：【醫護熱話】註冊護士課程取錄女友 男友頓感自卑 網民：邊個話護士一定配醫生？

⏩⏩  需要請人？立即刊登招聘廣告！  ⏪⏪