Next
【職場熱話】靚女同事兩年轉7份工 待遇愈嚟愈好 靚女真係有優勢？
【職場熱話】靚女同事兩年轉7份工 待遇愈嚟愈好 靚女真係有優勢？
2022-06-14
靚仔靚女在職場上真的有優勢？其實普遍大眾都喜歡順眼的事物，所以有優勢是正常的，不過，如果沒有這先天的優勢，大家又有沒有方法可以補救呢？其他方面和能力上可能要有更高的程度才可以吧？大家對這有甚麼看法？
有女網民在討論區Dcard上以「靚仔靚女職場上好有優勢」為題，發文分享道：「成日聽咩唔好成日轉工，會畀人覺得好『jumpy』但聽friend講，佢前靚女同事HD畢業，技能麻麻，但同啲男同事講唔該你，就好多人幫佢做埋。兩年轉7份工，跳到28k，仲要份份都hea。普通人都係繼續努力工作，羨慕吓好啦！」雖然此文葡萄味十足，不過有時真的會深感靚仔靚女的職場路似乎比普通人好走，心生羨慕是在所難免的，但有些網民卻覺得，比起靚仔靚女的外貌因素，溝通和說話技巧更加重要！
即睇網民回應：（按圖了解）
網民：「靚仔有着數，不過只限有女上司嘅崗位。」
網民：「其實唔一定靚仔靚女，氹得掂上司同事其實都係一種職場技能嚟，見過唔靚仔嘅同事返工打機30k。」
網民：「我朋友就係唔靚，但口才好好，所以又係轉工升得好快。不過其實好多嘢都假，佢語言技巧包裝得好好，令僱主信佢講嘅嘢。突然出到嚟職場，發覺好多嘢同細個喺學校學嘅唔同，好難接受，真係忠忠直直，終須乞食……」
網民：「出嚟其實把口得，就解決好多問題。」
網民：「有技術識表達都可以嘅。」
網民：「世界係唔公平㗎啦！」
網民：「技能麻麻可能係你個friend覺得啫，靚都係一種長處，可以做演員/模特/主持等等。」
網民：「生得靚幫到communication嘅，Soft skill 都係 skill，值錢嘅，係人有我無差啲啫……」
網民：「想轉行做IT了，做marketing 太多靚女。」
網民：「樣靚去到邊都好有優勢，但過多十年廿年，人到中年嗰陣就見真章，冇能力最終都係會被淘汰。」
網民：「我3年轉咗8份工，由11k到而家32k，IT SYSTEM ENGINEER，我都好廢，又唔靚仔 ，承受唔到壓力，一返得唔開心，委屈就唔做。唔關靚女靚仔事，我覺得係interview 最重要！」
網民：「識個有朋友成績超差，樣又極一般嘅男仔，但佢唯獨對coding好有興趣，喺year2先學，Grad咗一年轉咗3份工，由17k到依家25k，準備再加人工，所以話能力重要好多！」
外表重要定能力重要？
雖然靚仔靚女在任何情況下都有相對的優勢，不過有網民看得比較長遠，指：「樣靚去到邊都好有優勢，但過多十年廿年，人到中年嗰陣就見真章，冇能力最終都係會被淘汰。」認為始終能力是比較重要。亦有網民分享事例：「識個有朋友成績超差，樣又極一般嘅男仔，但佢唯獨對coding好有興趣，喺year2先學，Grad咗一年轉咗3份工，由17k到依家25k，準備再加人工，所以話能力重要好多！」
沒錯，外貌娟好確實會為很多事加分，不過這只能當作是額外的分數，個人工作能力才是最重要！所以大家不用灰心，正如網民所說，好好鍛鍊自己的工作技能和溝通技巧，在職場上總有你的位置！
延伸閱讀：【職場兩性】辦公室戀情註定冇好結果？網民：咁唔係公司識 可以喺邊度識另一半？
Look out for further updates on our Facebook fan page!
Follow CTgoodjobs for the latest career news, hot topics and recommended jobs!