Next
【升職加薪】打工仔嘆工作5年都冇升職 「換咗7個上司都未輪到我」
【職場熱話】辭職遞信上司叫改Last day？ 原因竟係○○○○！網民：入大公司，不如跟位好上司！
【職場熱話】辭職遞信上司叫改Last day？ 原因竟係○○○○！網民：入大公司，不如跟位好上司！
2025-01-24
不少計劃辭職的打工仔都會等公司發放年終獎金後遞信。然而，選擇離職的時機也有學問，如果不懂計算「Last day」（最後工作日），或會對最終的收入造成影響。近日，有打工仔在社交平台專頁「奴工處」投稿分享，自己收到公司發放花紅的通知後，立即向上司提出離職，然而上司建議事主將離職的生效日期改後兩天，這樣一來便可以賺多周末兩日的工資。帖文一出，即引起了網民熱議。
即看事主分享及網民討論：
事主：「上星期公司出咗通知，月尾會出埋最後一期Bonus畀我哋。一收到通知，就準備封信炒咗公司！
我今日入阿姐間房遞信，佢話：『都估到你會遞㗎啦，搵到工嗎？』
我：『想唞吓先！未搵到㗎！』
佢：『都明白，有需要就出聲！』
跟住我出咗房冇耐，上司打我枱頭電話叫返我入房！
佢：『封信我當你聽日先畀我，但你個Effective date要改後多兩日，唔好蝕埋個星期六日畀公司呀！FYI，我同你同一日Last day！』
可能我經驗少，冇諗到要計埋Last day日子，長知識了！多謝阿姐塞錢落我袋！」
網民：「其實有啲公司就算出咗通告話有Bonus, 你即辭職會收返㗎，最安全係袋咗再畀信。」
網民：「通常HR會叫你Last day改返星期五。」
網民：「入大公司，不如跟位好上司。你上司都幾睇啲細嘅，要好好珍惜。」
網民：「以為會有人講『我同你同一日last day』呢個Point。」
網民：「我上次Last day冇蝕，阿姐想我改到蝕！」
網民：「我舊公司算幾好，我哋3月先岀Bonus，但只要12月31號之內離職，都會照喺3月岀Bonus。」
網民：「有個咁好嘅阿姐提你改Last day賺多兩日錢好好彩。我以前公司會捉我入房改前個Last day, 逼我提早走。」
網民：「證明你同上司都係好人，但以後記住收晒Bonus先遞信。好多公司見你遞信就唔出Bonus。」
網民：「你要確保Bonus落咗戶口先遞信, 有啲公司會彈弓手！」
網民：「Last day星期一最安全！」
網民：「一日都唔好蝕畀公司！」
仔細閱讀員工手冊 了解年終獎金發放規則
網民紛紛對事主上司的做法表示讚賞，認為她是熱心關照下屬的好上司；亦有網民指出，有些人力資源從業員（HR）不允許將最後工作日定在周末的做法，所以選擇星期一作為Last day最安全；另有網民建議待正式收到花紅之後再辭職，因不同企業的花紅發放規則有所不同。
正如網民所說，由於《僱傭條例》對年終酬金沒有明文規定，企業可以拒絕向已提出離職的員工發放花紅，具體細節視乎僱主和僱員簽訂的協議。為了避免出現花紅落空的情況，計劃離職的打工仔應在遞信之前仔細閱讀合同和員工手冊，了解清楚花紅發放的細則後再落實離職日期。
提出辭職後還能否獲得花紅？按圖了解更多：
【如何計上班Last Day日子？】通知期未必一個月？提早離職要賠代通知金？兼職如何計辭職通知期？一文看清勞工法例及僱傭條例
延伸閱讀：【惡劣天氣】Last Day遇上八號風球或黑雨 點算好？唔通要延遲最後上班日？即睇HR點講！
延伸閱讀：【離職Farewell英文用法】10大同事辭職、轉工祝福語！內附last day短訊及電郵範例
延伸閱讀：【散水餅】人工得15K 公司勁多人 Last Day可唔可以唔派散水餅？
最新專訪片︰
Look out for further updates on our Facebook fan page!
Latest IT Salary Trend
-
View Jobs42.5kMedian Salary
-
View Jobs35kMedian Salary
-
View Jobs30kMedian Salary
-
View Jobs20kMedian Salary
- More IT Salary
Related Articles
Follow CTgoodjobs for the latest career news, hot topics and recommended jobs!