【職場熱話】老細成日放完屁就望住自己 慘被誤會放屁 可以點做？

每天在辦公室工作起碼8小時，而有非正式統計，每個人每天平均要放屁多達14次，而排出的氣體達到500到700毫升，所以在公司放屁其實是無可避免的。不過，很多人都覺得放屁很尷尬，如果被人聽到，總是不想承認的，但如果被人嫁禍，而那人是老闆，你又會怎做？

延伸閱讀：【職場熱話】新人返咗5個鐘就話辭職 原因竟然係茶水間OOOO！

有女網民在社交平台專頁「扮工室Online」上發文分享，自己的老細常常嫁禍她放屁，令她不知如何是好，「老闆成日放完屁之後望住我，搞到啲同事以為係我放……點算好？」要處理自己的屁已經很忙，還要被老闆嫁禍，那在同事眼中，自己便成為了「屁王」？那可以怎樣辦呢？

+9

+8

網民：「正解：你自己放嘅時候放大聲啲，跟住記得道歉，跟住老細放嘅時候推畀你，你就可以唔使講sorry，久而久之老細就會知賴落你度是冇用的。」

網民：「大聲同老細講，放心，我幫你頂！」

網民：「同老闆講人工無包，加返$5000個月。」

網民：「你即時好嬌嗲咁同老細講：『望咩喎！一日都係你呀！』真正終極攬炒！」

網民：「直接同佢講：『老細你下次放屁唔好再望我喇，望第二個。』」

網民：「即時自己放返個，大聲講：『嗱我嗰啲係咁嘅聲、咁嘅味嘅，唔好再認錯ok？』」

網民：「即刻講聲唔好意思！話呢排食多咗嘢，腸胃唔好。然之後望一望老闆。」

網民：「你見老闆望住你就醒水啦！即刻掩鼻大叫：『邊個放屁？』乾坤大挪移畀其他同事！」

網民：「『老細放心，我嗅唔到』」

網民：「大啖嗅一嗅，再同老闆講：『咦？今日食咗蘿蔔喎老闆！』」

網民：「佢只係心虛望吓你有冇發現啫，你下次唔好望佢，扮冇事發生就得㗎啦！」

網民：「由而家開始研究你老闆嘅日常飲食。佢一放屁，做講出佢當日食嗰啲咩。搞掂！」

幫佢認定係扮冇事？
很多網民都覺得事主的分享很好笑，不禁為她提供各種爆笑澄清方法，有網民指：「大聲同老細講，放心，我幫你頂！」、「你見老闆望住你就醒水啦！即刻掩鼻大叫：『邊個放屁？』乾坤大挪移畀其他同事！」

不過都有網民認為幫老闆認放屁，可能有好處，有網民指：「未過試用期就忍一忍。」、「幫老闆食咗隻死貓有好處。」

但其實放屁只是正常的生理反應，有網民覺得：「佢只係心虛望吓你有冇發現啫，你下次唔好望佢，扮冇事發生就得㗎啦！」可能扮冇事都是一個低調又簡單的處理方法！

延伸閱讀：【職場熱話】新人返咗5個鐘就話辭職 原因竟然係茶水間OOOO！

+14

+13

延伸閱讀：【見工面試】面試完先發現份工唔啱自己 事後應唔應該send email拒絕？>

延伸閱讀：【職場熱話】公司冷氣不停滴水又唔換 日日返工都成身濕晒 網民：有冇諗過擔遮扮工？

延伸閱讀：【職場熱話】入職獲發錯體卡片 Admin仲話title唔緊要！網民：咁印CEO！

⏩⏩  需要請人？立即刊登招聘廣告！  ⏪⏪