【職場熱話】老細態度差致公司流失率高 反怨新人唔捱得 打工仔：點令佢知係佢問題？

遇著惡頂老細，打工仔大多數都唯有硬食，頂不順就辭職，絕少有人敢直接開聲數落老闆。有打工仔就在「奴工處」Facebook專頁投稿指，公司流失率高，不少新人都因頂不順老細經常鬧人而辭職，但老細仍不知問題出在自己身上。打工仔求問應該如何告訴老闆真相，引起網民熱烈討論，有人認為要做Exit Interview，有人則點出新人不肯捱必定因公司出的人工太低。   事主:
公司流失率高，老細以為啲新人覺得太忙所以辭職，但其實係因為頂唔順佢。
成日鬧人，講嘢態度又差，好似踩親佢條尾咁。
而家又有新人想Quit啦，有咩方法可以令佢知道係佢問題呢？
網民：
人工同容忍力一向成正比......
幾錢人工先？如果市價一皮，佢肯俾到皮半兩皮，我真係會當佢耳邊風囉！
同呀頭講，啲新人係咁走一定係有原因，不如叫新人走果一日寫封信寫少少原因，等大家吸取下睇下有乜可以針對性改善？
聽朝有老細投稿「明明我對啲員工好好㗎啦，點解流失率咁高？」
試過成team拉隊走，舊老細都係覺得唔關佢事，係你成班人有問題。
你搵咗工未先，搵到就照直講。
間公司你有份？咪癲啦。
點解要令佢反省？你做咩教精佢？ 每個打工仔都做過職場新人，由於不熟悉公司文化及辦公室政治而經常「撞板」。南韓職場網站就進行了過「職場新人最致命的失誤」調查，訪問了過千名上班族，結果不懂觀言察色、不按照指示工作、上班偷懶等通通上榜。 延伸閲讀：【職場熱話】返工大便超過5分鐘 打工仔即被公司辭退 網民：你衰在腸胃太好

延伸閲讀：【求職招聘】返咗3份新工先知舊公司好 想食回頭草 網民：最緊要諗返當日辭職原因！

延伸閲讀：【職場熱話】返工要自備電腦係大伏？打工仔：公司文件跟身日日無得收工

⏩⏩  需要請人？立即刊登招聘廣告！  ⏪⏪