【勞資關係】返工3個月先有電腦用 老細：點解投資喺低級員工身上？

良好的公司設備可以提高員工工作效率，但如公司不願花錢，即使電腦慢如龜速、斷網死機，員工都要硬食。有打工仔就大呻上班3個月都沒有電腦用，好不容易老細終於肯買部電腦，卻是用盜版軟件，更連Wi-Fi藍牙都沒有，還不時彈出中毒網站視窗，而老細完全不認為有問題，更反問「點解要投資咁多喺你最低級員工身上？」一句話令打工仔瞬間想辭職。

即睇網民分享經歷： 返新工講咗3個月都未有電腦，工作需要好努力咁爭取用Mac。
結果老細叫人淘咗部聲稱有Mac系統嘅Window機返嚟，但原來係要我自己裝MAC系統落去......
Windows、Microsoft Office、Adobe全部都係盜版，仲要無Wi-Fi無藍牙無咪無Speaker，第一日用已經好多大波妹同線上賭場彈出嚟......
老細話：「機都買咗俾你，你啱啱過試用期，其他同事都係用Window，點解要投資咁多喺你最低級員工身上......」
網民：Designer唔用Mac機，起碼都要有部中階枱機。
網民：咁我認真答你啦，iOS Developer返工一個月都無機，要用私家機，最後辭咗職。
網民：無電腦都過到試用，咁部電腦其實都無乜用啫，部嘢由佢放喺度啦......
網民：唔知你咩職位，你使唔使用電腦先，如成日用嘅，咪將啲嘢慢慢做。老闆都講到出口，理得佢，慢慢來hea住做。還掂都最低級職員，佢覺可有可無，做慢係應份。
網民：我想講喺呢啲公司做嘢點會有前途，呢啲錢都唔捨得使點會使落你度？ 無論做傳媒、設計、網絡營銷抑或行政文職，不少打工仔都需要出設整圖，但就不是個個公司都肯出錢買版權。遇到這些情況，打工仔們可以善用網上多個免費圖庫，不用付費買「罐頭相」也有圖可用。
  延伸閲讀：【辭職學問】同事遞信後翌日問老闆「係咪想留我呢」 被恥笑︰自作多情

延伸閲讀：【員工福利】公司是否有規模靠睇飲水機？打工仔︰冇飲水機好伏！

延伸閲讀：【職場熱話】想老細更器重你 但又唔想畀人當做擦鞋仔？4個技巧幫你低調地打好關係！

⏩⏩  需要請人？立即刊登招聘廣告！  ⏪⏪