【職場熱話】老細怒斥新員工後要求反應 新人一句說話惹網民共鳴
即使是精密機器都可能會因電腦程式問題而出錯,何況是擁有複雜思想的人?打工仔難以避免工作零出錯,有時更會因而受到上司或老闆斥責。最近有名打工仔,目睹公司新人遭老闆責罵,遂將事件投稿至「奴工處」社交媒體專頁,而該新人回應老闆的說話則引起了網民共鳴。
延伸閱讀:【職場健康】返工似打機要有「生命值」?公司製作HP名牌測員工狀態
即睇投稿者分享及網民回應:(按圖了解)
投稿者:上次老細係咁鬧個新人,鬧到佢成隻死狗咁……最後老細連續問個新人三次:「你成日做錯,你話我知你究竟想點?」個新人恐無可忍:「我想你消失!」
網民:佢劈砲,老細咪消失!
網民:簡直係我心聲!
網民:對住呢啲老細,劈炮唔撈啦!反正都唔撈,梗係鬧鬼佢先走人啦!
網民:有無玩過一生人一次?
網民:第二日個新人就消失咗。
網民:如果不問清原因,個老細就插,反擊都好正常呀!
網民:佢係低級職員,所以犯低級錯誤是正常的。
網民:誠實都係美德嚟嘅。
網民:當自己皇帝咩?搞著個唔畀面,只會大家冇癮。
網民:其實做錯咩事先?返工邊個唔會做錯嘢?唔係大鑊嘢唔係唔上心,但有咩好鬧呀?
網民:因乜事鬧個新人先?又做錯咩先?按程度嚟睇,對錯都可以唔同喎!
互相尊重要緊
每個人容忍度皆有限度,當說話或語氣衝破界線便會導致不愉快的後果。根據投稿者所言,該老闆以「成隻死狗」形容新人,可預料責罵態度幾乎毫不留情,多名網民認為上司訓斥期間也應留有一線,三次重覆問題語氣顯咄咄逼人,假如對方「唔畀面」,就「大家冇癮」。
另有網民指出,新同事一句「我想你消失」道出不少打工仔的願望,暗示許多企業老闆或上司皆不懂尊重別人,難以相處。不過,許多網民認為,此言一出,要從辦公室消失的人將會是新人,而非老闆。
縱使有網民認為投稿者提供資料不足(如新同事所犯的錯誤),令人難以判斷對錯,但無論如何,互相尊重的態度至關重要,否則難以在職場構建和諧關係。
遭斥責時不應說以下3句話,否則只會火上加油。(按圖了解)
與上司或老闆相處可算是一種學問,以下6個貼士助你與老闆和睦相處:(按圖了解)
延伸閱讀:【職場熱話】季尾上司大聲怒斥追KPI失敗 一件事令上司反要送禮道歉
延伸閱讀:【職場熱話】工作出錯被上司開會責罵 當事人忘記靜音:我唔需要呢份工!