Next
【職場熱話】季尾上司大聲怒斥追KPI失敗 一件事令上司反要送禮道歉
【職場熱話】季尾上司大聲怒斥追KPI失敗 一件事令上司反要送禮道歉
2022-06-28
每逢季度即將終結，打工仔便會面臨壓力，皆因上司或會狠評過往工作表現，甚至採用連坐法向整個團隊興師問罪。現時，企業多以關鍵績效指標（Key Performance Indicator，簡稱「KPI」）量化員工工作能力，卻不時成為打工仔的壓力來源。最近，社交媒體專頁「奴工處」接獲一則投稿，投稿人表示其上司斥責過分激烈，同事要求收細聲量不果，但事後卻因一件事峰迴路轉，上司反過來要送禮道歉。
延伸閱讀：【職場心理學】解讀老闆小動作 用手摸耳要留意 向後傾好準備OO
即睇投稿人分享及網民回應：（按圖了解）
投稿者：「有日開會，阿頭好大聲係咁鬧我哋追唔到KPI。佢佢鬧嘅內容不停重複，突然有個同事話佢耳仔好痛，希望佢細聲啲，點知阿頭再大聲咁鬧。第二日個同事去睇醫生，話佢有邊耳膜穿咗，阿頭好驚佢會報上HR度，之後買晒禮物祝佢早日康復。」
網民：鬧到穿耳膜？應該超近距離咁講嘢……
網民：呢啲一定要報，佢越怕就越要做！
網民：報，一定要報，聾咗冇人可憐你！
網民：要搞大佢，咁就一世，以後好返手尾好長。有家人係耳膜穿，年紀大時真係會好麻煩，頭痛、耳鳴、瞓唔到、聽唔到人講嘢，個人狀態好受影響，帶耳機會嗡嗡聲，唔方便，仲要tune機，係一世跟住。鬧得咁爽！
網民：報勞記，唔使同佢客氣！
網民：一定要email to all，然後報埋勞工處，保留所有單據！
網民：唔報HR過幾日無得認數！
網民：阿頭有咩好驚啫，個同事一定會報HR㗎啦。唔報邊度有得Claim呀？唔通為咗阿頭事後嘅「關心」而自己畀錢醫咩？
網民：玩大啲，報埋職業性失聰，然後再入紙民事告佢！
網民：當然係成班一齊去報，講埋情緒困擾，幻聽、聽覺有問題……
網民：報蓄意傷人都仲得。
網民：一定要報，事後驚有咩意思？當初有本事做，就唔好驚啦！
網民：我覺得claim到，因為個同事已經講咗話耳痛叫佢細聲啲，條友仲要大聲啲，同攻擊無咩分別。
做事應考慮後果 網民籲：要上報事件
眾多網民對事件震怒，大部分留言皆鼓勵該受害員工向不同人士舉報，包括公司內部HR、勞工處等，因耳膜破損或會帶來後遺症。根據衞生署網頁，即使耳膜破洞會自我修復，但若護理不當則有機會誘發中耳疾病。一名網民提及，其親朋曾經歷耳膜破損問題，更指「手尾（可以）好長」，不應輕易放過上司。
多人認為，即使責罵理應分清界線，做事要考慮後果。有網民根據投稿者描述表示，同事曾勸告要收細聲量，上司當事應該要注意，而非只單純發洩個人情緒。
穿耳膜非職業性失聰 事件更接近襲擊？
某名網民提及，受害人可報職業性失聰，但據職業性失聰補償管理局網頁所示，該等失聰是長期工作嘈音破壞內耳神經細胞所造成，而非單純穿耳膜。
另一網民則指，穿耳膜的同事可考慮控告上司蓄意傷人。根據《侵害人身罪條例》（香港法例第212章）第39條，任何人因襲擊他人致造成身體傷害而被定罪，即屬犯可循公訴程序審訊的罪行，可處監禁3年。
近年曾有兩宗因襲擊而導致穿耳膜的案例，包括2015年退休警司掌摑球隊隊友案件，以及2017年教師掌摑學生案件，兩名被告皆被控襲擊致造成身體傷害罪，即使二人最終脫罪，但可見令人耳膜破損或會惹上官非。
無論如何，做任何事應該考慮後果，就算送禮道歉也未必能夠補償。
（上述部分並非法律文件。有關法例條文的詮釋，仍以法例原文為準。若遇上類似事件時，應尋求法律專家之意見。）
唔想得罪上司被責罵？記住唔好做以下6個行為！（按圖了解）
延伸閱讀：【職場熱話】女上司情緒反覆難相處 事主：突然聽到佢間房有巨響⋯
延伸閱讀：【職場管理】入職驚覺公司連去廁所都要計時 打工仔：第二日我就辭職
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!