【職場熱話】網民齊數公司奇怪規矩 口罩只可用某顏色、唔畀一齊食lunch

【職場熱話】網民齊數公司奇怪規矩 口罩只可用某顏色、唔畀一齊食lunch

在家工作模式結束後,很多打工仔都得重返office。而重返office時,又再憶起公司的種種古怪人和事,畢竟這兩個多月都是自己在家工作,已經暫時忘記了一些公司規矩……網民在社交平台專頁「扮工室Online」上發文指:「你公司有什麼痴線規矩?」惹來網民熱烈討論!

延伸閲讀:【職場熱話】同事為慳錢 買電磁爐喺位煮烏冬 網民:打邊爐、整章魚燒都得!

原來有很多公司都有一些不為人知的奇怪規條和習慣!有公司的男同事申請使用女廁獲批;又有公司規定員工不可以一齊食lunch;更有公司老闆娘長期望着CCTV,看同事工作如看真人騷一樣……實在令人大感驚訝!

你的公司又有甚麼奇怪的習慣和規矩嗎?

即睇網民回應:﹙按圖了解﹚

網民:「口罩顏色只可以係藍色同白色。」

網民:「老闆娘長期開住個cam,當連續劇咁睇住你哋,仲要收埋音。」

網民:「上次諗住叫麻辣湯,點知隔籬個同事好驚咁叫停我,話公司唔畀食重味嘢,會臭親個老細,連泡菜都唔畀食,真心嚇親!」

網民:「返工唔畀傾偈,唔準一齊食Lunch,慘過返學。」

網民:「我之前做嗰間都係,每個人去廁所,出同入都要登記,仲有唔可以超過5分鐘出嚟。」

網民:「公司講明每人每個月有30分鐘遲到quota,但一遲到就會畀人鬧,唔知要嗰30分鐘要嚟做咩㗎。然後叫你一個人看鋪,但咩都要你做晒!執貨呀、抹塵呀、收錢呀、連啲貨包裝都係你做,仲有一大堆無謂嘢要搞(例如要影相畀佢睇你有冇執到個場好靚,啲價錢牌齊唔齊,都仲未計要自己洗廁所執倉洗隔塵網),仲要間鋪唔係細㗎,有兩層嘅,想唔OT又要做足晒佢要求都幾難,做唔足又要畀人鬧。」

網民:「之前做過份文職,錯超過3次就炒,我做咗一個月就畀人炒咗了(做錯嘢3次)。」

網民:「個男同事話佢唔肯用男廁,要用女廁,公司又批!搞到班女仔好多怨言,男嘅又唔避忌,女嘅怨聲四起。聽聞係個男同事話其他男同事經常整到廁板一滴二滴。」

網民:「合約寫返8點,但如果真係8點返到,就算係8點正返到,都係叫遲到。係應該半個鐘前返到。」

網民:「以前返老人院做文職,每個鐘要寫log。」

網民:「舊公司做滿3年先可以去anniversary dinner。」

網民:「唔畀講粗口,講一個粗口字罰$10。」

網民:「唔可以喺公司屙屎,要屙要出走廊個殘廁。」

 

嘖嘖稱奇
在文明的社會當中,原來真的還存在很多令人不明所以的規矩,網民所分享的真的使大家大開眼界!不過其中奇怪的規矩當中都隱藏着員工們的無奈,大多奇怪的公司規矩都是出自公司不信任員工,如:「我之前做嗰間都係,每個人去廁所,出同入都要登記,仲有唔可以超過5分鐘出嚟。」、「老闆娘長期開住個cam,當連續劇咁睇住你哋,仲要收埋音。」不懂得尊重員工,彷彿一點私隱都沒有似的……

 不知道大家的公司又有沒有一些不為人知的奇怪規矩呢

延伸閲讀:【職場熱話】同事為慳錢 買電磁爐喺位煮烏冬 網民:打邊爐、整章魚燒都得!

延伸閲讀:【疫下創業】研製可重用殺菌口罩 洗200次仍有功效!創辦人:殺菌只需1秒! 

延伸閲讀:【醫護熱話】前線護士自白 見好多病人病死凍死 好多同事情緒病都要照返工⋯

延伸閲讀:【人物專訪】一種香水一個故事 以香味盛載回憶與情感 

⏩⏩  需要請人?立即刊登招聘廣告!  ⏪⏪

Look out for further updates on our Facebook fan page!

Related Articles

  • 【見工面試】Interview後即收Offer 求職者卻一口拒絕?全因為間公司做咗呢樣嘢!

  • 【見工面試】Interview衰咗慘被拒絕!後來卻被取錄 全因佢做咗一件事?

  • 【職場文化】求職面試想了解該公司嘅混合公司模式 可以問邊啲問題?

  • 【見工面試】電話或視像面試 有邊6句句子係唔可以講?

  • 【職場趨勢】「最低限度星期一」(Bare Minimum Mondays)有助克服星期日恐懼?Z世代偏好幸福工作文化!

  • 【見工面試】求職者可以點樣喺面試中 畀人見到醒目嘅一面?

  • 【裁員潮】打工仔遭解僱感不忿?逾8成人被炒後嘗試向前公司報仇!

  • 【人力資源】HR實幫住上司?打工仔對HR的3大誤解!

  • 【見工面試】面試最後階段 HR問你放假會睇咩網站?用意原來係……

  • 【職場熱話】拎錯上司糧單 發現人工只係多自己$500!你會覺得點?

Jobs You Maybe Interested In

刊登招聘廣告
;
Follow CTgoodjobs for the latest career news, hot topics and recommended jobs!
Maybe Later Follow