Next
【職場熱話】網民大數最孤寒公司政策 Pantry食物要收錢？要員工裝翻版軟件？
【職場熱話】網民大數最孤寒公司政策 Pantry食物要收錢？要員工裝翻版軟件？
2022-08-15
作為一家企業的老闆，當然想以最低成本營運公司，從而賺取最大的利潤。不過並非所有開支都可以「慳得就慳」，企業想留才就要投資在員工身上，包括提供各種員工福利，提升團隊的歸屬感，否則員工辭職只是遲早的事。最近有網民在討論區集思廣益，大數最孤寒的公司政策，一眾打工仔隨即瘋狂留言，當中有引起你的共鳴嗎？
延伸閱讀：【勞資關係】通知期內大病一場被批「惡意請假」 打工仔：公司唔出推薦信
究竟公司最度縮可以去到幾盡？按圖即睇網民分享：
網民A：公司Printer A4紙會鎖住，如非必要印嘢要用廢紙，印彩色要提早申請。
網民B：返工要人畀錢都見過，幫狗狗剪毛同沖涼，畀幾萬蚊話跟佢學嘢，仲要簽agreement應承學完之後唔准喺5公里內開店。
網民C：Office連垃圾桶都要爭，唔夠1人1個。
網民D：有咖啡機但唔畀咖啡膠囊，幾蚊都慳……
網民E：要員工自費出席酒樓annual dinner，無得唔去。
網民F：入職前驗身要個員工自己出住錢先，過咗probation先肯畀返錢佢。
網民G：最記得返過一間工程公司，電腦咩都唔裝，仲叫我哋自己搵老翻MS Office。
網民H：文具用完要一換一，支原子筆仲要係文具舖入面最cheap嗰隻。
網民I：新人返工，公司請新人同高層一齊食30幾蚊嘅飯盒，又試過Welcome Lunch叫你夾返錢。
網民J：Pantry啲嘢食要畀錢，飲水機聽聞係駁水喉水。
網民K：中秋節派月餅，一個月餅全公司大約十幾人分。
網民L：Pantry有個箱攞嘢飲要擺低五蚊，廁所有通告叫人唔好用咁多格廁紙，過年廿蚊利是加金莎。
網民M：老細係個敗家仔，自己結婚要員工做兄弟姊妹。
網民O：禮拜六長短周有一半人放假，規定Office只可以開一半燈，搞到好多客人上嚟都以為熄咗燈摸門釘。
招聘廣告是僱主接觸潛在求職者的第一步，通常都會列出一大堆員工福利，吸引應徵者Apply。不過近日有網民在討論區發文，大談部分在招聘廣告上的所謂福利，一看便知是「垃圾工」。
網民認為「伏味甚濃」的員工福利︰（按圖了解）
同場加映：辦公室Pantry大比拼（按圖了解）
延伸閱讀：【職場熱話】年齡係搵工最大障礙？近30歲事主：係咪我唔夠好？
延伸閱讀：【職場熱話】帶60歲新人頂唔順辭職 網民回應：年齡唔係問題！
延伸閱讀：【職場熱話】新公司要求員工用自己電腦？ 新同事：軟件都要自己下載
最新專訪片︰
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!