Next
【職場熱話】求職者列5大嚴苛要求 網民：只能做職業女兒
【職場熱話】求職者列5大嚴苛要求 網民：只能做職業女兒
2024-01-29
畢業後第一份工作有可能會決定你未來的職涯走向，慎重考慮固然是好事。然而，對首份工作的待遇有過份嚴苛的要求，最終可能只會為難自己。有網民於連登討論區上發文指，其妹妹即將升讀大學，正苦苦思索應如何選科，並透露妹妹的求職計劃，列出5大理想條件，怎料「嚇窒」一眾網民！
延伸閱讀：【職場八卦】打工仔詢問文職有咩筍工好做？網民：你諗多咗啦！
按圖即睇事主列出的5大要求：
1: 可以5天工作，甚至4天工作
2: 可以好大程度上Work From Home，甚至招聘面試、同上司同事開會、離職等等手續都可以唔使同公司啲人見面
3: 正當、畀人睇得起，屬於專業嘅工種
4: 起薪接受到最低1.8萬，但希望5年後有3萬，10年經驗後可以有5萬至8萬，甚至更高
5: 發展前景好，行頭唔會太窄，可以容易跳槽加薪
網民A: YouTuber。
網民B: 認真答：精算（如果搵到工）。
網民C: 唯有做職業女兒。
網民D: 跨國software engineer先做到以上條件，首要係佢入到。
網民E: 未覆先講：點解係你要代佢諗？佢要咁優厚嘅條件，又唔自己付出落手 research吓各行各業，諗吓自己對咩有興趣先？但凡做得專業人士一定有辛苦位，一係見客；一係工時；一係入行難度；一係人工差，佢要齊咁多條件會唔會係期望值太高？
網民F: 建議你將你阿妹嘅人生交返畀佢自己決定同負責。
網民G: 認真建議，叫呀妹努力考好DSE再諗。
網民H: 自己做老細咪可以WFH囉！
雖然有部分網民認為要求太高，但有不少網民分享其實IT行業中，有很多職位可以滿足樓主妹妹的條件，其中一名網民分享自己任職數據科學家（Data Scientist）的經驗，主要負責做AI模型，10年工作經驗已達月入6位數。不過，亦有網民反問樓主：「其實你有冇認真問過你阿妹想要啲咩？你真係有把握一班網民可以搵到你阿妹鍾意嘅嘢？更重要嘅係，你知唔知你阿妹有咩興趣先？」其實工作佔一天中的大部分時間，假如對工作內容沒有興趣，即使工作條件再優渥，亦只會感到煎熬。
入到心儀公司卻事與願違？（點圖了解更多）
延伸閱讀：【HR人工有幾高？】人力資源總監（HR Director）收入可觀？話你10大入職必備技能！
延伸閱讀：【IT人才短缺】香港企業至少加薪20% 搶科技人才
最新專訪片︰
【SHE Says】打破職業性別刻板印象 平衡領袖、媽媽身分 滙豐香港首席資訊科技總監Charlotte：我有克服所有困難的自信
Look out for further updates on our Facebook fan page!
Follow CTgoodjobs for the latest career news, hot topics and recommended jobs!