【職場熱話】收CV竟然見到有人標明政治立場？HR︰睇到有啲嚇親

CTgoodjobs' Editor

Published: 2022-08-01

Updated: 2022-08-01 15:50

近年有多項議題掀起極大爭議，無奈令社會壁壘分明，大眾立場趨向兩極，氛圍令人不敢輕言個人立場。即使立場有助聚集意見相近的人，獲取相關人等的信任，但你會否在求職期間「買大細」，鋌而走險標明個人政治立場呢？最近，一名HR人員到社交媒體專頁「奴工處」投稿，指收到一張標明個人立場的CV。

延伸閱讀：【求職攻略】無嘢寫落CV應該點好？6種豐富履歷嘅經驗及格式參考！

即睇事主分享及網民回應：（按圖了解）

+11

+10

事主：小妹做緊某大公司嘅HR小薯，近日收到有求職者喺CV到竟然寫埋自己政治立場。最初睇到有啲嚇親，但諗真啲其實都係大勢所趨，求職者諗住為求博取一個機會先做到咁盡，所以諗深一層其實都真係幾悲哀……

網民：立場呢啲嘢都冇人講好耐啦！點會係大勢所趨……
網民：我睇到post有「大勢所趨」四個字都嚇一跳！
網民：一般公司只想遠離呢啲嘢，就算佢想啲同事表忠都應該係見完工覺得面試者ok後再暗示。
網民：呢個現象即係代表有公司睇政治立場，如果唔係點會寫喺份CV。
網民：公司如有強烈立場，interview就會問你，CV寫呢啲嘢一律唔見！
網民：其實咪同CV寫明自己打咗幾多支疫苗一樣囉！而家有公司要睇人有冇打針去決定個candidate有冇得見工……
網民：唉，搵食艱難……
網民：物以類聚，人以群分。
網民：究竟可以點fact check政治立場？
網民：可能CV無亮點？寫埋立場博取間公司當自己人而有機會獲聘？
網民：正常人係唔會寫亦唔會提，只有一種傻人先會咁做，諗住生活喺烏托邦，樣樣理想主義化，頭腦簡單嘅人先會咁做。

求職者應避免敏感話題

政治立場無疑可取悅看法相近的人，但若社會氛圍的二元對立漸趨嚴重，求職期間標示政治立場可謂一場「買大細」的賭博。正所謂「水能載舟亦能覆舟」，如新增資訊會增加獲聘的不確定性未必有助求職者尋找工作。眾多網民認為，標明政治立場不會是求職的未來趨勢，更應是勞資雙方避而不談的禁忌，直言覺得這是大勢所趨的人很傻。

有網民則慨嘆「搵食艱難」，認為有求職者寫上立場即可能代表某些公司要求求職者或員工在敏感議題上表態。話雖如此，大部分網民意見皆指，求職期間標明政治立場的舉動非常不智。

你想做職場醒目仔嗎？有6個話題避免透露，政治立場更是第1個要避開的話題！（按圖了解）