【職場熱話】打工仔慘呻發夢都返緊工 網民：仲唔快啲辭職！

疫情持續的關係，許多打工仔一直在家工作（Work From Home，簡稱「WFH」）。每天只有開工，沒有收工，讓人難以分清生活與工作的界線。若工時過長，很容易就會造成心理壓力，情況持續的話，後果可能會不堪設想。

各位有很大的工作壓力嗎？最近在網上討論區Dcard有打工仔分享經歷，指自己最近一年在睡覺發夢的時候都仍在上班，弄得他非常崩潰，網民都紛紛安慰事主：「不如早點轉換工作！」

點圖了解更多事主經過：

+16

+15

延伸閱讀：【職場貼士】轉新工就在家工作？教你10個WFH讓同事留下好印象嘅方法
延伸閱讀：【在家工作】長期Work From Home令人變得頹廢？5個小技巧保持工作儀式感！

事主分享：「近一年嚟，我成日都因為發夢自己返緊工，所以凌晨3點就醒咗，醒咗之後，個腦就一直轉啊轉，不停諗自己聽日有咩要做、嗰封Email應該點覆、嗰個電話我唔應該咁覆。個腦就係每日都喺度檢討自己，後來5、6點又瞓返。但明明我已經入咗公司做咗兩三年嘢，唔係話自己係新人，啱啱入公司，唔熟做得唔好。

每日起身都唔太想去返工，公司待遇唔係好差，已經好過其他公司嘅好多，因為錢嘅關係唔可以遞信住，同埋感覺走咗嘅話，個症狀唔會改善，可能啲錢仲會少咗，個人可能會更焦慮。舊年因為自己莫名爆喊，所以走咗去睇心理醫生，佢話我有少少焦慮同抑鬱，都有食過藥，覺得自己好好多，後來自己停咗藥，啱啱嗰5、6個月都還好，近排又出現返嗰啲症狀。有無人都試過咁，最後係點改善？」

網民回應：
A/我都係每日返工唔夠一個鐘就想寫辭職信，不如試吓搵朋友傾吓，或者係盡快離開呢個鬼地方
B/我都係，我做嘢就快5年，疫情對工作衝擊好大，我呢幾個月都成日喺夢入面返工，但又因為錢所以下唔到決心辭職
C/我係明明已經辭咗職，但仲喺夢入面返工
D/我之前返嗰份工都係咁，每日諗住自己嘅業績係點，半夜訓到一半，又諗返工嘅嘢，壓力勁大
E/我仲以為得我一個係咁，我做嘢做咗3年，近兩年每日朝早5、6點就會醒，半夢半醒之間，有時會煩惱工作嘅事，有時瞓着又會發惡夢，到7點就畀鬧鐘叫醒，我仲一直以為係我抗壓性太低先咁
F/人真係矛盾，做份工做到想死，但為咗搵食又無辦法
G/你真係要睇吓心理醫生
H/我都會發夢見到自己返工，搞到我唔係好分到現實同夢境，返工已經好辛苦，點解喺屋企休息都要我體驗多次喎
I/離職唞返一排應該會好啲，但睡眠質素就難恢復啲，我離職之前平均3日，就會有1日失眠，有2日係每2個鐘就醒一次，近排返新工又開始有啲崩潰
J/我覺得你有呢種情況出現，係因為你覺得自己勝任唔到呢份工作，你應該畀啲信心自己，覺得自己可以處理到工作嘅大小事，唔會慌唔會亂，唔會緊張，亦都會瞓得好好，唔需要擔心畀人炒嘅問題，覺得自己即使辭工都好快搵到新工，你令自己有咁嘅信心，相信你個病就會好返

放棄「章魚性格」滅低壓力睡得好
台灣精神科醫師楊聰財曾在接受媒體訪問時表示，「章魚性格」是導致很多人有壓力的原因。「章魚性格」是指人只有一雙手，卻總不自主把自己當成八爪魚一樣，無論是大、小事，家事還是公事都想要干涉，最後導致自己壓力爆煲，也影響睡眠質素。若果長期出現這個問題，沒有好好改善，很容易就會造成失眠及焦慮症狀，甚至會損害腦部健康。當發現自己有精神壓力問題時，最好與身邊的人傾訴，或者是尋求專家的協助。

要找出壓力源頭，才能夠使自己回復最好的狀態。不妨用以下的測試，找出你的壓力來自哪裡！（點圖了解更多）

+19

+18

延伸閱讀：【在家工作】長期Work From Home引致「數位疲勞」？五招幫你找回生活節奏
延伸閱讀：【職場貼士】第一日返工即在家工作點算好？教你新工WFH必做9件事！

最新專訪片︰

【Office豪華旅行團】領展辦公室佔地10萬平方呎！ 重視員工工作與生活平衡

⏩⏩  需要請人？立即刊登招聘廣告！  ⏪⏪