【職場熱話】同事WFH例牌遲到有原因?事主:就連HR都去關心佢…
再次投入在家工作(Work from Home,簡稱「WFH」)模式,不用化妝、打扮趕回公司打卡,報到的方式改由發送電郵代替,打工仔因此多了不少睡眠及休息的時間。不過,這也同時導致打工仔無法輕易找到遲到的藉口。
最近在網上討論區有打工仔指,身邊同事WFH期間,突然開始了遲到的習慣,而背後有意想不到的原因,事主表示:「就連HR都關心佢...」
點圖了解更多事主分享:
延伸閱讀:【職場貼士】轉新工就在家工作?教你10個WFH讓同事留下好印象嘅方法
延伸閱讀:【在家工作】長期Work From Home令人變得頹廢?5個小技巧保持工作儀式感!
事主分享:「開始咗WFH已經差唔多3個月,最近一個月有個同事每個星期總有一日係遲到。我哋平時係9點半返工,以前喺Office返工壓線報到唔出奇,但係佢WFH都會遲到,10點至10點15分左右先會出現。佢有時會話因為唔知醒,有時話自己做緊嘢,唔記得咗要Send Email報到。因為佢每個星期都慣例會遲到,所以就連HR都忍唔住問我哋,知唔知個同事發生咩事,點解佢WFH都可以遲到。我哋平時都好少主動問同事私人事,所以我哋都唔知點解佢會遲到,之後HR就去關心佢,睇吓佢屋企係唔係發生咗咩事,所以先令佢遲到。結果,原來係個同事養咗隻貓,朝早要整隻貓嘅嘢,搞到自己唔夠時間預備返工,我哋仲以為係咪佢或者屋企人確診,所以先唔出聲!」
網民回應:
A/有工返,係WFH喺屋企做自己同公司嘅嘢都唔滿足,仲有時間批評人哋
B/瞓緊覺咪遲到
C/我班同事WFH當自己放半日假,問佢哋嘢要幾個鐘先覆,電話又唔聽
D/我哋Work From Home,有開工,無收工
E/做壞晒啲規矩
F/自己遲到走去賴隻貓???
G/我哋WFH唔使日日報到咁麻煩,有覆Email,有做嘢就得
H/第一次聽人拎出嚟講
I/為咗隻貓而搞到唔夠時間你都信,係貓唔係狗喎,狗就話可能要帶佢落街去廁所啫
J/佢可以辭工專心養貓
K/又係過份啲,十成係玩到過晒鐘
L/ 使唔使執到咁正啊,Deadline前交到貨咪得囉,除非佢係要同老細開會啦
M/原本都喺屋企,無收工,點算遲到?
學會時間管理 避免影響工作
WFH的好處之一,就是能夠讓你有很大的自由度,以自己的方式工作,不需要顧及別人目光,絕對是一個有利工作的條件。不過大前提是,你要懂得守住公私邊界,若果你不懂得自律,無法達到上班的基本要求,就很可能會影響到工作及其他同事。
以事主的同事為例,若果需要在上班前處理家貓的東西,可以提早起床,慢慢處理牠的大小事,就能夠有充裕的時間預備上班。雖然這種習慣需要慢慢培養,這不能馬上學懂,但從中好好學習平衡自己的生活和工作,相信學會時間管理不是難事。
想在WFH時,不分心同時保持生產力有辦法!不妨參考以下5個技巧:(點圖了解更多)
延伸閱讀:【在家工作】長期Work From Home引致「數位疲勞」?五招幫你找回生活節奏
延伸閱讀:【職場貼士】第一日返工即在家工作點算好?教你新工WFH必做9件事!