【職場熱話】創業VS打工 畀你會點揀？網民：Why not both？

返工返得辛苦，有時就會想，是不是做老闆創業才更適合自己呢？而有時創業的老闆則會想，每天都完全沒有休息的時間，是否打工才是正確的選擇呢？創業與打工，不知道大家對此有甚麼看法呢？身邊朋友創業多，還是打工多？

延伸閱讀：【職場熱話】外國返工唔介意講幾錢人工 點解香港打工仔咁介意？

有網民在討論區Dcard上發文分享，以「畀你揀，你會創業定打工？」為題帶起討論，道：「如果你有得選擇，你會去1.Sales /創業：工時彈性，賺好多錢；打工：工時穩定，薪金穩定？」相信不少打工仔都有考慮過這個問題問？創業與打工，就如果你想買樓還是租樓一樣，難似決定，要考慮的是資金、產品的獨特性、巿場的競爭力等。創業，是一場大冒險和挑戰；打工，是穩紮穩打的選擇，哪一個選擇更適合你呢？

即睇網民回應：（按圖了解）

+12

+11

網民：「有錢應該會創業，不過可能唔喺香港？香港創業成本太高了，喺香港住咗咁耐，打工見唔到啲咩前景（專科另計），打工最後都係一件齒輪。」

網民：「兩樣都做！正職打工，兼職創業。」

網民：「創業，想啲時間係為自己而消耗，而唔係幫人打工，不過我諗唔到創咩業所以都係打緊工。」

網民：「最近都諗緊依樣嘢，自己唔係有錢，但都算識得好多人，咁我做開Production嘢，與其畀人食咗啲錢，淨係賺人工，咁不如自己出嚟搞公司，其實做嘅嘢都係差唔多。不過我都好現實，始終咁樣做freelance 有啲唔穩定，所以都有去in 啲大公司，其實發現都幾好pay。」

網民：「想了解大家創業其實係想賺多啲錢，定純粹唔想打死一份工？」

網民：「創業一開頭唔會賺到幾多，需要嘅時間亦都要好多，同埋創業都唔一定會賺到錢。 我返咗一年full time，我2019已經開始自己創業，我幫人整網站同埋做digital media。一直搵客都好難，尤其是香港人好鍾意壓價，三句唔埋就話佢哋都可以自己整網站，我都想知佢哋何德何能。做到而家先有少少起色，今年業績都有六萬零蚊。」

網民：「我會揀返萬幾嘅工，再搵自己興趣。」

網民：「打工，創業你估咁易咩？成功嘅創業人士高調表明，失敗嘅創業人士就收收埋埋。」

網民：「創業搵大錢唔容易，唔想打死工就真嘅。」

網民：「20至25年內都係打工+投資相對穩定嘅嘢+持續進修+學自己有興趣嘅嘢+累積人脈，之後如果有足夠嘅資金，就會開始研究點樣創業，不過會一邊打工、一邊投資、一邊進修、一邊創業，創業一部分係為咗幫人/令人覺得幸福，另一部分就係為咗可以學到所有自己想學嘅興趣+畀屋企人好啲嘅生活，最起碼唔愁吃穿。」

網民：「創業，我寧願大起大落，都唔想平平無奇咁過一世。創業係難㗎啦，就係難先去挑戰。」

網民：「創業：賺大錢/蝕大錢；打工：一世人得幾千萬。」

創業還是打工 視乎個人性格
網民都討論得如火如荼，有些就覺得小朋友才做選擇，為甚麼不兩樣都做，一邊打工，一邊創業；有些網民則考慮得比較長遠，指打算現時都會打工，到有資金時，才會研究創業，而即使創業了，都會一邊打工、一邊投資和進修；亦有網民毫不考慮創業，指：「創業你估咁易咩？成功嘅創業人士高調表明，失敗嘅創業人士就收收埋埋。」

不過，其實創業和打工，都要視乎個人性格，考慮種種因素後，就去做自己想做的事吧！

延伸閱讀：【職場熱話】外國返工唔介意講幾錢人工 點解香港打工仔咁介意？

+11

+10

延伸閱讀：【職場熱話】同事玩大咗 將榴槤放老細房 換嚟嘅懲罰竟然係…

延伸閱讀：【職場熱話】如果公司規定入辦公室要換拖鞋 大家贊成定反對？

延伸閱讀：【職場熱話】你在侮辱上司而不自知？你有冇做過呢6個行為？

⏩⏩  需要請人？立即刊登招聘廣告！  ⏪⏪