【職場熱話】公司WFH卻要求員工每日檢測　網民一個提議令眾人叫好

第五波疫情持續，近日每天確診宗數破萬，市民人心惶惶，害怕下一個中招會是自己。現時仍有部分企業要求員工每天返回辦公室工作，所以該等公司或會要求員工進行快速測試，以減少交叉感染新冠病毒的風險。不過，最近有名打工仔竟在「香港討論區」發文，指其公司正在實行「在家工作」安排，卻要求員工自費檢測，眾多網民雖批評事主公司刻薄，但同時笑言事主是個蠢材。

延伸閱讀：【職場熱話】知悉同事用果汁虛報陽性呃假期　網民：你有證據咪篤灰囉！

即睇投稿人分享：（按圖了解）

+15

+14

事主：真係諗唔明，雖然而家可以WFH，但由3月份開始，公司要我哋每日返工前做快速測試，然後影相畀HR。

事主：問過朋友其他公司，佢哋都會提供快速測試包或者可以claim錢，但我哋公司係無。

事主：真係好小氣，一支快速測試都要幾十蚊，一個月就成千蚊，一啲都唔平！！

網民：你仲唔鬧佢祖宗十八代？

網民：WFH都要快測？係咪驚你會變種做電腦病毒？

網民：都唔使返公司，睬佢都傻！如公司有要求，當然公司應該畀錢啦。

網民：無指定牌子，買最平咪得，一日十幾蚊當畀乞丐囉。

網民：點解你咁蠢？每日影同一支畀HR就得，公司要慳錢，你咪同佢環保啲！

網民：用同一支就得，影快測張相個背景次次唔同咪唔知囉！

網民：咁鬼蠢，唔怪得被公司呃啦！一支影定20張夠交一個月啦！

網民：乜嘢公司嚟㗎？咁Cheap，開名啦！

網民：我同你情況差不多！但我不是在家工作。公司要求交快速檢測結果但唔肯派快包！我同公司講返，既然係公司要求，梗係要公司畀返！小數怕長計！如果收唔到快檢包，我係唔會提供檢測結果！

網民：小心公司會唔畀你返工，當你曠工處理，仲要你賠償公司損失。

網民：你唔做佢唔畀你返工，甚至取消你入閘卡，我公司就係咁做喇。

網民：公司咁涼薄，支持樓主辭職！

網民：咁你想維權的話，可以唔撈再勸其他同事一齊唔撈！你睇吓有幾多個同事陪你？

網民：快速測試係自願自費，公司無權強迫員工做，唔同核酸檢測，而核酸檢測對高危指定群組都只係3日一次。

網民：下個月政府有5000蚊補貼你買抗疫用品啦！

網民建議：不同角度當多次檢測　虛假檢測或有後果

眾多網民不明白為何事主正「在家工作」，為何其公司仍要求每天進行快速測試。正所謂「上有政策，下有對策」，有網民指出，公司不會知道員工「在家工作」時有沒有確切做測試，所以事主實際上可以將同一支快速檢測棒多次使用，從而減輕負擔。其中一名網民建議事主：「做一次檢測，影50張唔同角度、唔同環境嘅相，咁咪一次咪已經可以當50次囉！」這項說法獲得多個網民支持。

另有網民在自費檢測方面對事主深表同情，因為打工仔沒有可能要「貼錢返工」，認為事主公司十分吝嗇，應盡快為旗下員工提供快速檢測包。

無論如何，透過欺騙獲取利益是不當行為，打工仔不應作出該等行為。另外，如果懷疑受感染但呈報虛假檢測結果，衞生署申報系統網頁指，根據第599 章《預防及控制疾病條例》，任何人違反或明知而向衞生署提供上述的虛假資料，即屬犯罪，一經定罪，可處罰款港幣10,000元及監禁6個月。

延伸閱讀：【職場熱話】老闆思想守舊唔畀WFH 打工仔大感憤怒︰佢應該想與病毒共存

延伸閱讀：【Omicron】同事中招 老闆仍要求返工 網民：返少一日會執笠？

延伸閱讀：【職場熱話】絕種好老細？ 疫情下唔減人工反加薪 打工仔憂慮「頂唔頂得順」

⏩⏩  需要請人？立即刊登招聘廣告！  ⏪⏪