【職場熱話】公司用ＷhatsApp通知解僱員工失業打工仔：一啲尊重都無！

2021-07-21

離職最理想的情況是勞資雙方好來好去，不論是僱員主動辭職或被公司辭退，最重要是互相尊重，以免出現尷尬場面。可是有些不近人情的公司，竟然只用ＷhatsApp通知炒人。最近有網民分享在放工幾個鐘後，突然收到公司ＷhatsApp通知被解僱的消息，令他相當不忿。

延伸閱讀：【新冠疫苗】強制員工打疫苗是否違法？不打針被解僱又會點？平機會話…

該事主表示：「而家啲公司連面對面同你講你唔適合都費事，要放工隔咗幾個鐘先ＷhatsApp炒人，一啲尊重都無。好彩我無放嘢喺公司啫，如果唔係又要搭車返去拎，呢間公司真係不知所謂！」

網民點睇？

-我都試過返咗幾日工，直屬上司可能唔鍾意我，收工send message同我講我唔使再返去。
-老實講，如果被人炒，仲要眼望望炒你嗰條友，我就情願收ＷhatsApp算啦。
-其實咁咪仲好，唔啱唔使講咁多，痛快了斷，又唔使你哂多次車錢。
-樓主繼續向前走，下次要搵間好啲嘅公司，加油！
-點解公司咁無品，連尊重兩隻字都唔識寫？早走早著，唔使灰心。
-我仲試過老細開著部電話錄音話要炒我，真心當下好傷心，覺得被人侮辱。
-員工ＷhatsApp辭職聽得多，但公司ＷhatsApp炒人真係第一次聽，兩樣都好無責任心。作為一個專業、稱職的HR，解僱員工時要遵守特定守則，而不是好像上述事主的公司一般，如此隨便。到底「炒人」有甚麼地方是需要留意的？

10項選擇解僱員工時要注意的地方！（按圖了解）