【職場熱話】公司成日搞Team Building 內向打工仔：其實我都係想自己毒吓

團隊建設­­­（Team Building），是不少公司用來增強團隊凝聚力和溝通的活動。網上連登討論區有打工仔表示十分嫌棄公司舉辦過多的Team Building，內向的事主並不想經常與同事吃飯和參加聚會，卻因不懂拒絕，害私人時間都被公司活動佔據。問題引來網友討論，有網友因舊公司Team building問題直接辭職？

延伸閱讀：【職場文化】被上司拍枱大鬧態度差 因為打工仔放假唔覆Email？

按圖即了解事主分享和網民回應：

+10

+9

事主：「公司成日有活動，成日會有trip去唔同嘅office參觀，仲有好多team內食飯，收工之後唔畀你走。

呢排仲有好多同事辭職，幾乎每個都會另外組織同team食farewell 飯。遲吓聖誕仲有party，又唔好意思拒絕，成日畀呢啲team building/ networking嘅活動搞到無晒私人時間，其實我都係想自己毒吓。」

網民：「唔使叫你搞齋玩咪算好，我要做埋搞手。」

網民：「真係好晒時間，不過係公司文化可以點？」

網民：「office hour以外時間搞？」

網民：「team building真係咪搞，舊公司星期六先搞又冇得補假。」

網民：「team building喺working hour搞㗎喎邊個咁無良，食飯嗰啲約lunch，正常都同公司啲人食咪順手約dinner 或者happy hour 嗰啲，唔係friend底一般都唔去。」

網民：「毒毒真係好驚呢啲。」

網民：「舊公司Team building最鍾意喺星期六日搞，仲霸足兩日一夜，最黐線試過返大陸，間唔中又被逼夜晚食飯，收工去長洲食飯都試過，好憎非工作時間要應酬，已quit。」

評論中不少網民都對Team Building有所不滿，有人因性格問題拒絕交際，甚至對此感到害怕。更有部分網民指責公司Team building佔據其私人時間，不解非工作時間為何要被迫應酬。

事主想要借故不參與活動，不知如何開口？
試一下委婉拒絕，說善意的大話吧！表達自己想同去活動，可是有別的事要做。例如：「我也想參加活動，可是家有事/朋友有聚會。」

延伸閱讀：【放工時間】佩服收工後增值自己嘅人 打工仔嘆：返到屋企只想做爛泥⋯⋯

延伸閱讀：【家庭關係】老公放假不停打機唔湊仔 媽媽大呻︰有咗小朋友都繼續咁？

延伸閱讀：【職場辛酸】越忠誠嘅打工仔人工就越低？網民：跳槽人工先加得快

⏩⏩  需要請人？立即刊登招聘廣告！  ⏪⏪