Next
【職場熱話】入職獲發錯體卡片 Admin仲話title唔緊要！網民：咁印CEO！
【職場熱話】入職獲發錯體卡片 Admin仲話title唔緊要！網民：咁印CEO！
2022-05-06
卡片上職銜對於打工仔來說重要嗎？如果是需要對客的職位，可能很影響對方與自己和對公司的第一印象吧？有時職銜是很重要的。不過，原來很多公司對印卡片一事都很馬虎！不單職銜出錯，有時連同事的姓名都寫錯，錯了更着同事手改便算！非常過份呢！
延伸閲讀：【職場英語】同事英文嚇死人？「To who it may concert」都寫得出？
有網民在社交平台專頁「奴工處」上投稿，分享道：「入職第一日，公司印咗卡片畀我，我發現Marketing Executive印漏咗Marketing！同Admin反映，佢話其實冇咩大問題，title唔影響工作，叫我照用，唔好浪費……」Marketing Executive（巿場營銷部主任或主管）與Executive（執行長）的意思相距甚大，職級相距甚遠！不少網民都懷疑Admin同事的英語和理解能力的程度，這真的是「冇咩大問題」嗎？
即睇網民回應：（按圖了解）
網民：「咁個個印CEO吧！」
網民：「做錯事唔去認，用人如此，公司死得！」
網民：「我以前公司個admin印新同事卡片，有改名、有改title同電話，但Email係另一位同事….admin 叫佢手改。」
網民：「以前公司卡片得公司資料，邊個同事要派就寫自己資料上去，完全係罰抄！」
網民：「人哋一睇，你哋公司連100蚊都唔肯畀嚟印卡片，唔知咩感覺呢？」
網民：「我以前有個同事姓禤，公司幫佢印卡片，個名變咗『塌XX』！」
網民：「我以前成個部門印錯咗title，大家都用咗三年，用到公司執咗……」
網民：「印卡片好平啫！再印過好難咩？」
網民：「我試過咭片由Assistant to VP 變咗做 Assistant VP……搭直升機咁樣升職！」
網民：「我試過有份工，當時聲稱過probation後會印卡片畀我，到最後我離職都冇，我係managerial grade，講真要見客一句派哂，跟住交換電話就whatsApp / email聯絡啦，咩title都好，你都係要做啦，除非你係president / chairman。」
網民：「我哋要對客嘅，office 換咗電話號碼，admin 都係叫我手改咋。」
網民：「有啲Admin自己有錯想側側膊，人哋有錯就有錯。」
網民：「印咗銀河系CEO又點，是但喇！」
卡片的職銜很重要？
不過其實有些行業於卡片上的職銜可以很多變，有從事影音工程行業的讀者表示，雖然每位同事都有一個職位，不過每人都有幾款卡片，卡片上的都是不同的職銜，他指：「有時只是方便工作，因為我們的客戶有不同的範疇，有時某些職位會令對方感到安心和有信心，所以老闆都叫我們印幾款卡片在身，我的同事可以是sales、有時是maketing director、有時則是客戶服務部經理，所以都沒所謂。」只是事主的Marketing Executive與Executive的差距好像又太過大而已！
延伸閲讀：【職場英語】同事英文嚇死人？「To who it may concert」都寫得出？
延伸閲讀：【職場文化】小編大呻幾時開始要一手包辦所有事 網民：自從冇人尊重文字開始
延伸閲讀：【職場熱話】網民齊數公司奇怪規矩 口罩只可用某顏色、唔畀一齊食lunch
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!