Next
【好人好事】屋企人大病冇錢醫 好老闆即開支票：唔使還！
【好人好事】屋企人大病冇錢醫 好老闆即開支票：唔使還！
2023-04-24
職場上的好人好事總是令人覺得暖心，因為大家都知道，上司與下屬的關係其實都是建基於金錢上，所以你的私人事，對方其實沒有義務和責任去理會，久而久之，大家都習慣了冷漠，內心僅有的一點同理心，可能都快要慢慢消失……
延伸閱讀：【職場文化】你身邊有冇「職場巨嬰」？苦主大哭訴：伸手黨唔用腦、冇禮貌、多藉口…
不過，最近有網民在社交平台專頁「奴工處」上投稿分享自己遇到過的一宗好人好事，他更想藉此機會再一次表達對老闆的衷心感謝，「想同我老細講聲多謝！上年屋企人病咗，要一大筆錢醫，我忍唔住喺公司喊！老細問完我，轉頭竟然開咗張票就係嗰筆錢，仲叫我唔使還！（但我會努力還的）多謝你，我屋企人先有得醫！」
不少網民都覺得很感動，沒想到這世上還有如此有人情味和同理心的老闆，然後，更有不少網民分享自己曾受好老闆幫助的經驗！
即睇網民回應：（按圖了解）
網民：「舊年我病重一路唔夠錢去醫，媽媽老細同媽媽傾偈嘅時候知道咗呢件事，同媽媽講做咩咁大件事唔早啲開聲！之後即開咗張十幾萬嘅票叫媽媽快啲拎筆錢醫我，啲錢慢慢先還冇所謂，最緊要個女冇事。呢件事一路好感恩！而家佢老細都會問候吓我病況，（過咗半年之後清還晒啦！）PS：而家我病況穩定，冇生命危險啦！」
網民：「呢啲稀有老細真係已經買少見少，奴工真係好幸運！祝福你同老細好人有好報，身體健康！」
網民：「雪中送炭真的難能可貴！」
網民：「我相信有依啲老闆，至少如果我係老闆，有能力嘅話我會咁做！」
網民：「今時今日唔搵員工笨嘅都算好老闆啦，N年無聽過老闆仗義出手嘅事，真心祝福呢種老闆。」
網民：「近廿年前，有個老闆知我做嘢ok，但始終學歷唔夠高不成低不就，佢畀咗5萬蚊我讀書。雖然我最後都無接受到，但係我到呢刻都仲係好感激佢。」
網民：「絕咗種啦、好好珍惜。畀着我呢度，喊就唔該你匿埋喊，唔好影響工作影響其他同事，喊完繼續做嘢please。」
網民：「祝呢位老闆身體健康、生意興隆、一本萬利、賺錢賺到手軟！」
網民：「你真係好幸運，能夠遇到一個有同理心，會體諒員工的老闆。」
網民：「好多謝世界仲有呢啲好老細，如果你係嗰個老細，我都真誠咁多謝你哋帶畀世界尚存一點愛。」
網民：「好老闆真係等同中六合彩頭獎呀！要好好珍惜同感恩！」
網民：「我想講，我希望呢個老細永遠都有資金周轉，永遠都有錢賺！」
網民：「社會上充斥受助之人，難得有出手相助之人！」
網民：「睇到呢個post 覺得好開心，希望香港可以多啲公司同上司會對員工同下屬有多少少同理心。上兩年我屋企人發現有未期癌症，當時我份工好重workload，差唔多每日都OT到好夜，有時星期六都需要工作。半年之後我同上司講真係好想有返正常workload，因為真係想照顧屋企人，佢點完頭之後，我workload係完全無少過，最後我都係算擇辭職。」
珍惜感恩
原來還有不少有良心、懂得關心員工、有義氣又有同理心的老闆，看着網民的分享，這些好老闆的善行，其實拯救了不少生命，亦影響着很多生命。當我們受到其他人的幫助時，我們應該要好好珍惜這份感恩，並且以行動回饋，回報對方的好意，同時也會影響到其他人，讓更多人願意付出和幫助。這樣的正向循環可以讓這個世界充滿着愛和關懷。
希望這些受過幫助的員工，好好珍惜老闆的好意，並且在有能力的時候，也要好好幫助其他有需要的人，將這份感恩延續下去，同時令更加多人願意付出，令冷漠的職場多一份溫暖。
延伸閱讀：【職場文化】你身邊有冇「職場巨嬰」？苦主大哭訴：伸手黨唔用腦、冇禮貌、多藉口…
延伸閱讀：【職場文化】返工返到好辛苦 想同家人講捱唔住、想祼辭…有冇人都係咁？
延伸閱讀：【電郵範本】想email叫同事幫你做嘢 除咗講Thank you 仲要注意咩？
延伸閱讀：【見工面試】求職者被問「點解會想轉工？」要點答先好？即睇5個貼士！
最新專訪片︰ 【星級斜槓族】Shirley陳欣妍積極經營YouTube展現最真實自我 孖男友沈震軒升呢健身室老闆
Look out for further updates on our Facebook fan page!
Follow CTgoodjobs for the latest career news, hot topics and recommended jobs!