Next
【職場熱話】不解後生仔拒學工藝 網民：畀你做10年都無前途！
【職場熱話】不解後生仔拒學工藝 網民：畀你做10年都無前途！
2023-01-04
擁有高薪厚職從來都是每個打工仔夢寐以求的目標。但放眼現今香港的環境，當買樓只能成為幻想；退休成為癡心妄想，躺平工作的心態便會產生。近日有網民於網上討論區發文，指自己不解時下年輕人甘心領取每月一萬幾千的薪酬，做著毫無挑戰性的工作，而放棄投身電工、木工這些手工藝行業。或許因為時代變遷、大眾價值觀改變的緣故，網民回覆竟然持相反意見⋯⋯
即睇事主看法：
樓主：喺便利店、連鎖服裝店畀你做10年都無前途啦，摺衫摺10年都係得嗰一萬幾千⋯⋯
樓主：但如果去學吓油漆、木工呢啲手工嘢，10年後可能可以出去接生意做。
樓主：依家汽車噴油都無乜人做。如果開檔做，做一部車都收返一萬幾千，但偏偏無乜後生做⋯⋯
樓主：都唔明依家啲後生仔諗乜？
即睇網民回覆：
網民：其實$70都食到個自助餐啦，搵咁多做咩喎？
網民：油漆、木工呢啲新仔入行工時又長又傷身，又要捱鬧。做摺衫同班後生嘻嘻哈哈又一日⋯⋯
網民：識啲Sales話驚老咗聞得多工業味會生Cancer。
網民：呢啲通常做學徒嗰陣時間長但又低人工，咪無人做！
網民：叫人做裝修／地盤學徒都傻傻地，全部都係做下欄嘢，連啲師傅都唔想做。真係想做學徒嘅話就去MTR、兩電呢啲地方做，起碼人哋有制度幾時滿師，唔使跟啲裝修佬，又唔肯畀你埋位做，呃你做啲下欄嘢。
網民：其實摺衫應該仲辛苦過水電工程。聽朋友講真係由朝做到晚，大把人做兩三日就走，人工仲衰過文員。
網民：人各有志，你理得人？每個人背景、追求都唔同！
網民：你估個個都好似你咁窮咩？大把屋企有錢、求其打份工Hea時間、不愁衣食。屋企有樓畀我，咁搏做咩？
網民：有啲人係鐘意輕鬆搵一萬幾千夠使，唔做樓奴。
網民：做車房、裝修、水電依啲好睇你有無跟啱人，跟正個唔肯教你嘢嘅基本上係晒氣，年中都唔少新入行嘅因為咁唔做。
從問題根源入手，即睇5個避免躺平文化的解決方法。
時移世易，即刻按圖了解為何時下年輕人不再追求高薪厚職。
延伸閱讀：【職場熱話】學位不保證「錢」途 網民嘆讀大學為乜?
延伸閱讀：【職場熱話】保安其實係荀工？ 打工仔：生活愉快無壓力
延伸閱讀：【職場熱話】後生仔享受做保安月賺1.8萬 「鐵飯碗，有樓就有保安！」
Look out for further updates on our Facebook fan page!
Related Articles
Follow CTgoodjobs for the latest career news, hot topics and recommended jobs!