【職場日常】一個字令英文水平露餡？Best Regards vs Best regards 成專業與業餘的「分界」？
CTgoodjobs' Editor
在職場環境中，電郵至今仍是主流溝通工具，當中態度、語氣、文風，甚至結尾格式，都在微妙地塑造着專業形象與人際關係。一封好的職場電郵，不單清晰傳達信息，更能展現團隊合作精神與溝通素質。但如何打出一封好的電郵仍然令一眾打工仔頭痛不已！
網民在網上平台「Threads」上發文指近來發現即使連大公司發出的電郵也有文法上的失誤，提醒一眾網友光是「Best Regards」一詞已可令你的英文水平露餡！據事主所指只有「Best regards」才是專業英語的表現，而「Best Regards」則是三不像的代表，引來網民熱議。
即睇Best Regards VS Best regards有咩唔同！（按圖了解）
網民A：完全睇唔明你噏緊乜！
你講緊R大細楷？
你係咪黐咗線！
我公司係美資，一半係美國人同英國人，仲有啲加拿大人，開完會無聊搵嘢講吓，無人知你講緊乜！
我話「Best Regards 同Best regards」邊個專業啲，我老闆第一句就話「Are you kidding me？」。
網民B：我碌吓我堆UK公司Email：
Kind Regards
Best Regards
Thanks
Best wishes
Take care
我用開Cheers！
網民C：得罪講句，只有啲Small potato，先至會在意啲咁芝麻綠豆嘅嘢。
我工作關係識好多C Level嘅人，佢哋啲Email係極之簡短，近乎唔理Grammar。佢哋要嘅係Efficiency，用最簡短直接嘅方式發出指令。
浪費埋啲時間去研究咩best regards, 就睇得出你絕對唔係做大事嘅人！
網民D：英國呢邊每個人都係寫Best regards！
包括律師樓出信、政府文件！
網民E：怪不得香港商業英文水平日漸下降！
坦白說，這是非常基本的。
網民F：我只寫Best！
網民G：識寫Best regards就英文有料，你門檻都幾低！
網民H：我第一份工條Team就有齊美國Ivy League兩間，英國牛劍，港大中大，我哋都係用Best Regards，咁我哋全部都係英文好差？
網民I：會因為一個大小寫而笑你，或者用一個大小寫而判斷人英文好唔好嘅人先係有問題吧？
網民J：咩國籍種族都唔代表佢係英文標準嘅指標，我喺美國大把人You’re同Your 都唔識分！
網民K：有啲大企業會搵人返嚟教寫Email，仲記得嘅係唔好用kindly，因為係無禮貌，好似好唔耐煩咁催人做嘢咁！
十大商業電郵必留意的細節位（按圖了解）
標題清晰明確
電郵標題要直截了當，具體說明主題，避免含糊或過長的詞語，讓收件人一目了然。
合理的開場白
根據對方關係選擇恰當稱呼，如「Dear + 姓氏」或「Hi」，避免缺乏禮貌或過於隨意。
内容聚焦分段
每封郵件集中處理一個主題，分段清晰，便於閱讀和回覆，避免內容混亂。
用詞專業精準
避免口語化、Emoji或縮寫，用語簡潔且以主動語態表達，保持正式與尊重。
語氣禮貌謙遜
即使有異議或需催促，也需用專業、謙和的語氣，避免尖銳或命令式措辭。
明確指令與時限
需要對方回應、確認或提交時，務必明確說明時限和期望，避免模糊用語。
標準結語格式
國際主流使用「Best regards」，其他可用「Kind regards」或「Sincerely」。
完整專業簽名
包含全名、職位、公司及聯絡方式，跨區溝通時加時區資訊，確保資料正確完整。
附件及連結提示
提前於正文提示附件或連結內容，避免收件人忽略，並簡短說明相關用途。
校對排版細節
發送前仔細檢查拼寫、文法、標點、人名與格式，保持一致和專業，避免出錯影響印象。
正視以上細節，不單提升專業形象，亦有助減少誤會、促進高效溝通，讓你的商業電郵成為個人及團隊的加分項目。
延伸閱讀：【職場溝通】職場Emoji使用潛規則大公開！表面禮貌其實… 係咩意思？
延伸閱讀：【失業英文】job 跟 career 點分？講 jobless 係咪唔禮貌？5 種「工作」英文一次過教你！
延伸閱讀：【職場用語】成日講對唔住、唔好意思？專家警告：顯得冇料到兼唔pro！
最新專訪片︰
【office豪華旅行團】GT Group超日系辦公室展現年輕活力 仲有Poolside畀員工放水燈！
Follow CTgoodjobs for the latest career news, hot topics and recommended jobs!