Discovery Feed is launched!
【職場文化】點解公司寧願請新人由頭train過 都唔肯加舊人少少人工？
CTgoodjobs' Editor
大家公司的員工流失率高還是低？公司會定時為舊員工加人工，還是偏向不停請新人呢？有時身為打工仔，真的不解老闆的思維，穩定性高的員工與比較廉宜的新員工相比，考慮的一定要最直接的資金吧？
有網民在社交平台專頁「奴工處」上投稿，指：「點解公司寧願請新人，都唔肯為舊人加少少人工，你請人都要時間成本啦，又要重新教過，咁唔係仲蝕咩？」事實上，很多人都有不停教新人的經驗呢？某個職位一直在換，你用兩星期訓練一個新人，眼見他快要上手之際，他突然就說要辭職了，而且工作未過一個月，更加可以即日通知通日就走。然後，再花了一段時間請人，又再重新教一個新人，誰料他又很快走，這個循環不斷重複，真的非常累人……
即睇網民回應：（按圖了解）
網民：「（老世Mode）係唔加畀你吹咩？」
網民：「因為非技術性，手辦眼見功夫，白紙唔識咪教到識，個位係值咁多錢就咁多錢。」
網民：「反正重新教過又唔係佢教。」
網民：「請新人係畀『現價』，舊人加人工係『追通漲』。通常唔轉工係追唔到通漲。」
網民：「最簡單嘅係，教新人唔使老細親自教，新人好係佢請人叻，新人差係員工唔識教或佢本身差，問題係加錢留人即係佢屈服輸畀你，所以要佢覺得好重要嘅人先加錢留，同員工能力無直接關係。」
網民：「我前老闆依家求我返去做，因爲冇個做得長。」
網民：「主要係新人對老闆冇咁多怨憤，新人做得好就可以踢走啲充滿怨念嘅舊人。」
網民：「對於老細來講，請人同train up新人嗰啲係沉沒成本嚟嘅，你班HR係咪都坐喺度出糧㗎啦，但人工畀少咗就真係畀少咗。」
網民：「但有啲公司請咗個新人返嚟之後，又要求佢要短期內識做晒啲嘢，最後覺得新人表現差，炒咗佢之後再請過另一個人，不斷循環。」
網民：「有啲工好易上手，請個新人又可以畀少啲錢。」
網民：「有時仲要出高啲人工先請到。」
網民：「積少成多！每人每年加少少條數就好襟計！」
網民：「因為加得畀一個舊人，其他舊人知道又會追加跳草裙舞。」
要加人工 難道只有轉工？
不少網民都理解事主的迷思，不過當中有網民分享老闆的角度，指：「積少成多！每人每年加少少條數就好襟計！」、「因為加得畀一個舊人，其他舊人知道又會追加跳草裙舞。」又實在不無道理，加上有網民看透世事，道：「反正重新教過又唔係佢教。」所以看重錢的老闆，又怎會介意再請新人呢？
而如果打工仔想加人工，莫非就只有轉工這一選擇？有網民表示：「請新人係畀『現價』，舊人加人工係『追通漲』。通常唔轉工係追唔到通漲。」其實都要視乎你的職位所負責的工作內容，如果只是簡單工作，一個新人當然會比較「實惠」，但如果你的工作崗位有一定的專業性，可以試試主動算老闆爭取，爭取不果才再考慮轉工吧！
延伸閱讀：【職場兩性】辦公室戀情註定冇好結果？網民：咁唔係公司識 可以喺邊度識另一半？
CTgoodjobs is Hong Kong’s leading recruitment platform. Our editors brings you the latest salary trends, interview tips, and professional courses. We provide comprehensive career insights to help you navigate career transitions, break through bottlenecks, and stay ahead in the workplace!
Explore Job
Follow CTgoodjobs for the latest career news, hot topics and recommended jobs!